A insolencia de Muebles Rey

Unha empresa adicada ó moble – Muebles Rey – ven de publicar en diversos medios escritos unha campaña de publicidade animando a “Aprovecharse del Rey”, anunciando “30 días para abusar de Muebles Rey”.

Non é só o xogo de palabras entre o titular da monarquía española e o nome da empresa de mobles, senón que utilizan a imaxe dunha rapaza igualiña á princesa Letizia, que leva na man unha coroa nunhas imaxes, e viste de voda noutras.

A publicidade ten moito de ciencia e moito tamén de arte, deixando á imaxinación dos creadores un mundo –neste caso de mobles -, para poder ofrecer ós futuros clientes as mellores cualidades e condicións.

Pero pode suceder que os creadores caian na chabacanería e na ordinariez, e que a empresa anunciante non saiba ver máis aló das súas narices enganados pola vulgaridade.

Mal. Moi mal Muebles Rey con esta campaña. Querendo ser orixinais son impresentables. Que non é o mesmo.