Opinión en Galicia

Buscador


autor opinión

Editorial

Ver todos los editoriales »

Archivo

Sete novos nomes para sete rúas

viernes, 25 de marzo de 2016
En Lugo, estreamos nome novo para rúas de sempre, nomes que se ben foron aprobados en maio do pasado ano, ata agora non se colocaron ou van colocar as novas placas.

Para os habitantes desas rúas é un trastorno que só o tempo irá solucionando, pero a aplicación da Lei da Memoria Histórica obrigou a cambiar denominacións que lembraban xentes que fixeron unha guerra, e foron homenaxeados precisamente polos seus feitos de guerra. Os de agora son nomes de xente de paz, e cabe esperar que sexan xa os nomes definitivos no rueiro lugués.

Nada direi dos nomes retirados para non ferir a familiares ou xentes de similar ideoloxía… Si dos novos, polo seu significado na vida lucense e galega dos últimos tempos…

Lois Peña Novo, vilalbés, galeguista das Irmandades da Fala, foi secretario do concello de Lugo e prestixioso abogado. Luis Cordeiro Rodríguez, abogado e mestre de Palas de Rei, director do colexio de Foz, foi Presidente da Deputación e impulsou extraordinariamente os Teleclubs de Lugo e de toda Galicia. Os Mártires de Carral foron fusilados por terse pronunciado en Lugo, en difícil tempo, contra o absolutismo real e en defensa do pobo. Avelino Pousa Antelo, galeguista, mestre con importante acción en Lugo, foi impulsor da renovación da agricultura por medio da formación dos mestres e gozou de xeral recoñecemento popular. Isaac Díaz Pardo, artista xenial, creou con Luis Seoane en Cervo a cerámica de Sargadelos, en Sada a de O Castro, e en Santiago o Laboratorio de Formas. Xaquín Lourenzo, mestre, honrado coas “Letras Galegas”, foi destacado investigador da cultura popular galega, fundamental para entender o pasado e o presente desta terra. E Adolfo Suárez, en fin, o decisivo presidente que propiciou a democracia en España, vituperado por case todos durante a súa presidencia e por todos loubado despois de morto.

Sete nomes para sete rúas lucenses aos que nos iremos afacendo pouco a pouco. Sete nomes que merecen rúa en calquera cidade galega, e que polo tanto en Lugo ben está que deste xeito se lles honre, uns lucenses, algún polo traballo en Lugo, todos por ter contribuído decisivamente á existencia desta Galicia de hoxe. Todos entraron na historia, e desde agora teñen presencia na vida cotián da capital lucense.
Xiz, Xulio
Xiz, Xulio


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania