Opinión en Galicia

Buscador


autor opinión

Editorial

Ver todos los editoriales »

Archivo

Representar ás Institucións

viernes, 20 de octubre de 2006
En principio é o político, que forma parte dunha entidade partidaria, na que ten uns dereitos e uns deberes, un papel e unhas responsabilidades, que obrigan a poñer por diante o partido de calquera querencia ou vocación persoal. Esto é a teoría, claro está. A práctica é outra cousa.

Ese mesmo político, cando participa nunhas eleccións, vai axeitadamente situado e obtén o favor popular, entra nunha dimensión diferente. Xa non é que o seu sentir persoal estea dominado polo interese da colectividade da que forma parte, senón que por riba desa colectividade está a institución á que accede, e que ten que influír en tódolos seus actos por riba de calesquera outros intereses. Esto, tamén é a teoría. A práctica, a saber.

Non cabe dúbida que o papel institucional dun político é difícil de asumir: deixar de lado todo tipo de prexuizos, para entrar na dimensión do servizo público.

Difícil o papel dun Alcalde-Presidente dunha Corporación para poñerse por riba dos intereses partidarios. Máis difícil aínda o da presidencia dunha Cámara de representantes para contentar a tódolos grupos.

Na Cámara galega, o PP estudia presentar unha “iniciativa de censura” contra a presidenta Villarino por entender que o seu papel é máis partidista que institucional. Posiblemente aínda haxa remedio.

Polo menos o último rifi-rafe rematou con ben, despois de que a presidenta chegase tarde, Santiso Miramontes fixera un comentario en broma, o PP sacase unha nota de prensa, a presidenta se disculpase, e houbese nova nota rectificando a anterior.

Pero se xa o refraneiro di que falando se entende a xente, e o Parlamento é o lugar onde se debe falar absolutamente de todo para que non haxa malentendidos.

Ós nosos representantes encargámoslles unha función e pagámoslles xenerosamente por desempeñala. Teñan a festa en paz, falen todo o que haxa que falar e, á hora de representar ás institucións, lembren que estas están moi por riba dos partidos nelas representados.
Editorial
Editorial


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania