Opinión en Galicia

Buscador


autor opinión

Editorial

Ver todos los editoriales »

Archivo

Pena Souto 'un dos nosos'

viernes, 26 de febrero de 2016
Ven de deixarnos José Serafín Pena Souto, empresario e político lucense, membro do Partido Popular, con trinta e tres anos de concelleiro no consistorio de Lugo.

Hai algo máis de seis anos os vecinos de San Lourenzo de Recimil rendían homenaxe ao que chamaban “un dos nosos”, non só pola súa pertenza a coñecida familia da parroquia senón por ter vivido nela desde os catro anos, e por devoción á súa persoa.

Serafín Pena Souto, coñecido empresario, impartiu clases particulares, traballou na Xefatura provincial de Gandeiría, instalou mesas de futbolín en establecementos de hostelería, e creou o primeiro salón de máquinas recreativas do norte de España, no Campo Castelo, e logo en Bispo Aguirre – El Recreo- promoveu negocios de decoración, unha floristería, foi empresario taurino, incidiu na construcción, e por fin na hostelería con Los Tilos, a cafetería San Marcos, ou a Casa Grande de Nadela.

Antes da aparición dos partidos, participou nas eleccións polo tercio familiar, e xa en Alianza Popular e logo no Partido Popular, foi concelleiro en Lugo desde 1974 a 2007, sendo membro da primeira corporcaión democrática, e o concelleiro que máis tempo estivo en activo no concello de Lugo. Membro do Parlamento de Galicia durante dúas lexislaturas, o seu papel máis importante foi o de concelleiro en Lugo, con especial dedicación á zona rural onde tivo moi destacada influencia. Nunca o Partido Popular tivo tanta incidencia no rural lucense como nos tempos de Pena Souto, ao que mesmo os seus contricantes políticos o coñecían como “O suave”, polos seu ser e estar, por non levantar nunca a voz, por falar pausadamente, por falar con todos e de todo, e porque case sempre conseguía o que se propoñía a prol do rural lucense.

Durante o seu tempo no concello, conviviu con oito alcaldes, nomeou pedáneos, xestionou cesión de terreos, promoveu obras, abriu camiños, mellorou electrificacións… era o home do campo lugués. Coa súa morte desaparece un dos máis dialogantes, e un dos máis constantes que houbo no concello de Lugo, e del quédanos a memoria dun home incansable que coñecía, entendía e quería ao agro lucense.
Xiz, Xulio
Xiz, Xulio


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania