Tiña Trigo
Gómez Alfaro, X.C. - martes, 18 de julio de 2006
Tiña trigo dabondo, moito trigo,
e estrelas e cipreses,
e pombas e loureiros,
e rosas e torrentes.
Tiña unha labarada azul docísima,
e rezadores ríos rexos, fértiles;
e varcias de fartura,
e rodeiras de abrentes.
Máis os ciclóns do sino,
coma arpías doentes,
arrasaron antonte aquel trigal.
e agora só me quedan
ciscadas polo mouro chan inerte
algúns grans de saudade e mais clamor.
Gómez Alfaro, X.C.
Las opiniones expresadas en este documento son de exclusiva responsabilidad de los
autores y no reflejan, necesariamente, los puntos de vista de la empresa editora
