Nace a Uned Sénior en Lousame

Lousame é un concello con moita historia e tamén con ganas de seguir facendo historia, a xulgar polo que se aprecia na súa axenda municipal.
Os seus habitantes teñen moitos motivos para sentírense orgullosos.
A creación dunha aula de UNED Sénior nesta localidade, será outro motivo máis: un motivo ben importante e ben peculiar.

O día trece de outubro do ano 2015 pasará á Historia de Lousame como un día moi especial:
Por primeira vez na súa historia, ábrese una aula da UNED Sénior GALICIA RURAL neste Concello.
Acudirán a esta Aula da Universidade Sénior descendentes daqueles parroquianos que noutrora ensinara a ler o Cura de Fruime, D. Diego Antonio Zernadas de Castro, quen tamén celebrará este singular acontecemento no día de hoxe, alí onde queira que estea.
Este proxecto de acerca-la Universidade á Galicia Rural, foi iniciado por outro crego chamado D. Luís Ángel Rodríguez Patiño, aquí presente.

Unha persosa moi coñecida e moi querida, quen desde outra parroquia tan humilde como a de Fruime, foi capaz de enxendrar esta xenial idea e propoñerlla á Directora do centro Asociado da UNED na Coruña, no ano 2008.

Dona Susana Blanco Miguélez, foi a nosa primeira e moi querida Directora.

Na actualidade o novo Director: D. Germán Carro Fernández ten o firme propósito de continuar e –se pode- mellorar o labor iniciado pola súa antecesora.
¡Estamos de noraboa!

Pero… nin este día, nin este acontecemento tería lugar se as autoridades municipais do momento, non deran o seu consentimento.

Por eso queremos agradecer ó Equipo de Goberno actual de Lousame encabezado por Dona María Teresa Villaverde Pais, que dera a oportunidade á Poboación Sénior de integrárse na UNED Sénior GALICIA RURAL.

Tamén queremos dá-la benvida a tódalas persoas deste concello que se matriculen nesta Aula da Universidade Sénior.

Unha ampla representación do Alumnado Sénior da Galicia Rural, integrado neste momento polos concellos de: MONFERO, ARANGA, PADERNE E RIANXO NA PROVINCIA DE A CORUÑA E OS DE XERMADE e GUITIRIZ, na provincia de Lugo, vén hoxe aquí para dá-la benvida ós de Lousame.
¡Benvidos!

Desde hoxe, fortaleceranse as nosas relacións, porque temos un denominador común:
“Pertencer ó Alumnado da Universidade Sénior do centro Asociado de A Coruña, que nós bautizamos co nome de GALICIA RURAL”.

O noso HIMNO, composto por nós mesmos di, entre outras cousas:
-Que queremos estudiar na Universidade.
-Que temos ganas de aprender.
-Que sentimos necesidade de amplia-lo saber.
-Que estamos agradecidos desta oportunidade.
-Que imos abrindo camiño ás xeracións do futuro.
-E tamén que queremos disfrutar.

DISFRUTAR CON LETRAS MAIÚSCULAS:
-Disfrutar con esperanza e alegría desta etapa da vida.
-Disfrutar do moito que deixamos traballado.
-Disfrutar na compañía de outros coma nós.
-Disfrutar mellorando a nosa autoestima.
-Disfrutar sendo exemplo para os que veñen detrás.
-Disfrutar deixando moi alta a GALICIA RURAL.

Estamos convencidos de que este alumnado de nova incorporación moi axiña experimentará este benestar que os pioneiros xa levamos disfrutado durante os seis anos que ten de vida a UNED Sénior GALICIA RURAL.

Por estas e outras moitas razóns, hoxe é un día grande para todos nós, é un día moi grande para a UNED Sénior Galicia Rural. Eso foi o que nos trouxo aquí.
Por eso estamos aquí reunidos compartindo experiencias, mesa, mantel e compañía.
Moitas grazas a todas cantas persoas e institucións fan posible esta celebración.
No nome de todo o ALUMNADO Sénior da Universidade Galicia Rural:
¡Graciñas!

Palabras pronunciadas en Lousame, no acto de constitución da Uned Sénior, por MERCEDES CACHAZA PLATAS, Alumna da UNED Sénior “GALICIA RURAL”
Aula de PADERNE (A Coruña)