Opinión en Galicia

Buscador


autor opinión

Editorial

Ver todos los editoriales »

Archivo

Inspeccionando o idioma

lunes, 15 de mayo de 2006
O de separar a política lingüística da Consellería de Educación, ó mellor non foi unha boa idea. Especialmente tendo en conta que a mellor incidencia do noso idioma ten que ser e facerse entre os máis novos da sociedade, precisamente a través dos seus centros educativos.

Na Administración anterior, en repetidas ocasións falouse de sacar Política Lingüística da Consellería de Educación, por considerar que estaba limitada, e incardinala en Presidencia. Fíxose agora e non se acaba de ver un resultado favorable.

Agora que se achega o Día grande das letras, a gran ocasión anual de potenciar e ensalzar o noso idioma, sen recuperarse Política Lingüística das críticas que desperta mesmo nos seus contornos habituais, a Consellería de Educación colabora como se non lle tiveran esgazado a pola do idioma na última reorganización administrativa e política da Xunta.

A Conselleira de Educación ven de declarar no Parlamento que se teñen intensificado as inspeccións educativas nos centros para controlar a impartición en galego das materias que a Lei prevé, se se utilizan os materiais curriculares, se funcionan os equipos de normalización, e se o galego é a lingua de uso.
¡Ai, se se inspeccionasen así algunhas dependencias administrativas!.
Certamente, o idioma non se impón. Se non hai convencemento e vontade, non vale de nada.

Xa se fala dun Plan para involucrar familias, concellos e centros sociais, e programas de innovación educativa nesa mesma dirección.

En tanto, Política Lingüística, a velas vir. E o 17 é o Día das Letras. ¿Cando volverán matrimoniar os dous departamentos?. Posiblemente a unión de novo sexa un mal menor, porque por separado compróbase que “o do galego” non funciona mellor ca antes.
Editorial
Editorial


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania