Sr. Rato: sé forte, aguanta!

Rodrigo Rato o ex-vicepresidente do goberno con Aznar e ex-director do Fondo Monetario Internacional foi detido unhas horas pola policía fiscal acusado de delitos de fraude,lavado de diñeiro e ocultamento de bens.

Que casualidade que os últimos presidentes deste FMI, eses que nos piden que os cidadáns apertemos o cinto, baixada de soldos e a escravitude , sexan inculpados por escándalos financeiros e outro por delito sexual: Hosrst Köhler, Rodrigo Rato, Dominique Strauss e a actual Christine Lagarde, unha tropa de carallo, xente que representa a unha mafia organizada dentro dos estados.

O Sr, Rato, autor da obra sustentada na economía do “LADRILLAZO” no goberno de Aznar, desa burbulla inmobiliaria e financeira desta Marca España, dos “pelotazos” das preferentes e da quebra de Bankia. Todo un récord de falsidade e algueirada é o que adorna a este personaxe.

Unha época de orxías económicas e persoais, na que os ricos nin sabían en que gastar os diñeiros, quizais a consumos ostentosos privados e morbosos.

Un Sr. que empregou o sector público para proveito do privado, manexou as institucións do Estado para esnaquizar os dereitos sociais e convertelos nunha oportunidade de negocio a grupos privilexiados de amiguetes. Por iso digo que estamos dirixidos desde estas institucións: FMI e Gobernos por xente perigosa, xeradoras de políticas desastrosas para os países nas que son impostas por estes directivos con intereses mafiosos.

Nada sabía o PP das caralladas de Rato. ¿Xa non é do PP?. Logo este Sr. debeu roubar todo onte ou antonte, de coña mariñeira. A democracia neste país está podre, grazas a estas persoas e grupos perfectamente organizados.

“Rato, aguanta, se fuerte. Ya sabemos que todo es falso, salvo algunas cosas......... Nada es fácil, pero hacemos lo que podemos. Animo”.