A Verdade
Gómez Alfaro, X.C. - martes, 14 de marzo de 2006
Aínda que ela poida algunhas veces
queima-las aleluias dos abrentes,
derruba-los abafos dos solpores,
abrasa-las folerpas multiformes;
aínda que ela agoch os seus donaires:
esas redes risoñas e radiantes,
esas espigas pícaras insólitas,
eses vales de bálsamos e coplas;
aínda que ela incendie cada pouco
as milleiras, as lámpadas e os soutos
desta dorida lancha naufragante,
hei espila de todo ata que sangre
e escriba no padal dondo das feiras
pentagramas de luz e de indulxencias.
Gómez Alfaro, X.C.
Las opiniones expresadas en este documento son de exclusiva responsabilidad de los
autores y no reflejan, necesariamente, los puntos de vista de la empresa editora
