Opinión en Galicia

Buscador


autor opinión

Editorial

Ver todos los editoriales »

Archivo

O viño da política

lunes, 15 de diciembre de 2014
Unha vella canción popular proclamaba que o viño que servía a (suponse) taberneira Asunción non era branco nin tinto, nin tiña cor. Aínda así, a tonada pedíalle a Asunción que enchese de viño o porrón.

Na corrupción política ocorre o mesmo que no peculiar viño da taberneira: non é branca, non é tinta; non ten cor. Porque parece que vai tocando (en diversa medida, é verdade) ás diversas forzas políticas.

Moito ten que facer aínda o Poder xudicial nas numerosas frontes que ten abertas por toda España para depurar todo tipo de responsabilidades, porque temos a tentación – e sempre caemos nela- de xulgar antes de tempo e considerar culpables aos que só están encausados, chamados a declarar, detidos… porque as noticias circulan á velocidade do raio e, naturalmente, son infinitamente máis rápidas ca as decisións xudiciais.

Cando cheguen as resolucións xudiciais, fundamentadas en investigacións fondas e razoamentos legais exhaustivos, nós non só teremos xa formulado o noso veredicto senón que mesmo xa nos teremos esquecido del e o asunto pode chegar a collernos de novas pensando que estamos noutros asuntos e noutros tempos.

Como quedamos en que o tema da corrupción, mentras non se demostre o contrario, pode afectar a todos con independencia da cor de cada quen, tomamos o todo polas partes –como unha especial sinécdoque sociopolítica – e podemos coidar que o mal está na política e non en determinados políticos. Iso sería un gravísimo erro que todos teríamos que lamentar profundamente.

Moitos políticos, e moitas forzas políticas, puxeron sempre interese en proclamar que non todos son iguais, e é verdade, pero para isto non hai “limpadoras”, e é moi difícil de separar o gran da palla.

Aínda así, os procesos xudiciais en marcha serán os que digan ao final como é o viño de Asunción, que aínda sen cor pode ser de boa colleita, e –postos a degustalo- seguro que todos nós, bos degustadores destas esencias, poderemos dar a cada un o seu. E os que merezan bastos, bastos; e os que brillen pola súa inocencia, pois que triunfen ouros.
Xiz, Xulio
Xiz, Xulio


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania