Pornointernet

Nunca deixaremos de denunciar ós infames. Que hai moitas clases, pero no podium merecen estar os que disfrutan, comercian ou difunden pornografía infantil a través da Rede.

Que se Internet naceu con fins militares, moi axiña demostrou as súas bondades en tódolos terreos da actividade humana, sen excepción que se saiba.

Gracias a Internet existimos. Gracias a Internet temos conexión con todo o mundo. Neste momento e neste caso, o “mundo” formámolo vostede e nós.

É sabido que todo o que serve para o ben, tamén pode ser mal utilizado ou utilizado para o mal. Porque o que está plenamente aberto, plenamente libre, é tamén directamente asequible para quen ten o corazón mouro e carece de alma humana.

As novas sobre pornografía infantil sucédense a cotío, dando idea dos numerosos que son os pederastas teóricos, e o grave dunha enfermidade persoal que se evidencia contaxiosa en extremo.

Como case todo o que neste terreo se fai é froito das investigacións que os organismos competentes fan na Rede para limpala deste execrable lixo, nada hai máis que dicir que recoñecer o labor que se efectúe, e animar ás institucións nun traballo que nos beneficia a tódolos que temos que ver con Internet, pero especialmente beneficia á sociedade por facer tábula rasa de canto se detecte en relación con este noxento asunto.

Usemos a Rede para o comercio ou para o lecer, para a formación e a información, para a conexión de persoas ou países... pero manteñámola limpa dese lixo infame que avergoña a tódolos internautas.