Cando morre xente amiga
Cando perdes a alguén que quixeches moito, vas perdendo algo de ti. Se tes fe, aínda tes esperanza. Cando che pasaron moitas cousas, tambaléaste. Non sabes que pensar. Ese amor, ese cariño, esas experiencias vividas non se poden borrar así porque si. Que difícil é descifrar isto da morte! Debiamos de estar preparados para isto, pero non creo que ninguén estea.
A vida ten altos e baixos, camiños escuros que a todos nos toca vivir. Cando es pequeno, non te imaxinas o que che ten preparado o destino. Pasando o tempo, vas vivindo o día a día da túa vida.
Axiña pasan os anos. Cando vas no final, vanse parentes, amigos. Debiamos dar máis importancia a vivir máis xuntos. Que tanto xuntar cousas, que as amizades sobran...
Que bonito quererse, tratar de facer feliz á xente que temos ao lado. O paso por este mundo é moi rápido.
Estou un pouco coa moral baixa.
Saúdos.
Rodríguez Cabanas, M. Francisca