A Fuga
miércoles, 21 de mayo de 2014
Desde o Preguntoiro: A fuga
A ex-presidenta da Comunidad de Madrid será xulgada nun xuízo de faltas e non por un delito de resistencia á autoridade. Coido que ata Cañete diría: a pobre muller non sabia o que facía. Non imos a ser tan machistas.
Que pasaría se en lugar de Esperanza Aguirre Gil de Biedma, chamárase Pedro Roxos o escangallas, mariñeiro de baixura en paro, si se lle ocorrera fuxir dunha identificación, levarse por diante a moto do axente, provocar unha persecución ata a súa casa e unha vez identificado, a noite na comisaría non lla quitaba nin San Pancracio; o pasarían a disposición xudicial ao día seguinte ou cando lle petara ao xuíz, coas correspondentes responsabilidades penais. Pero nada do que lle podería pasar ao escangallas, se lle aplicou á señora Esperanza, aínda que este é un caso raro, onde a xustiza é igual para todos.
Remato de recibir uns datos importantes dun estudo feito por grandes profesionais da Universidade de Cuspedriños de Arriba, avalado polo 150% dalgúns tertulianos de TV e xornalistas de prestixiosos xornais do país, entre eles La Zónra, onde din que esta decisión xudicial, sentará xurisprudencia. Isto pode ter a súa parte positiva: cando nos pare a policía por algunha infracción de tráfico, lle facemos un corte de mangas e fuximos como tolos para a casa sen facer nin putañeiro caso. Grazas a Esperanza xa imos sendo un pouco máis libres.
Nada de criticar sobre si temos unha xustiza de taberna nin sobre o xuíz. Como ollamos claramente, todos somos iguais ante a ley, por iso tranquilízome o pensar que se calquera día pásame algo semellante, serei xulgado por cometer unha falta non un delito.
Góstame ben aquel refrán da nosa terra cando fala da xustiza inxusta:... Fanas os porcos e páganas os bacoriños.
Cardalda, Theo
Las opiniones expresadas en este documento son de exclusiva responsabilidad de los
autores y no reflejan, necesariamente, los puntos de vista de la empresa editora