Opinión en Galicia

Buscador


autor opinión

Editorial

Ver todos los editoriales »

Archivo

Sentidiño parlamentar

jueves, 24 de noviembre de 2005
Cada certo tempo, reglado pola normativa vixente, os partidos políticos debidamente inscritos no rexistro correspondente, presentan listas ás eleccións xerais, autonómicas ou locais, e os cidadáns eliximos según o noso leal saber e entender, votando pola opción política que máis nos convence.

Así xorden os nosos representantes á vida pública, froito dos votos, en proporción á elección popular, de xeito que os que obteñen escano na institución que corresponda nos representan a todos nós, votasemos por eles ou non.

Esto é: No Parlamento de Galicia, os 75 deputados -PP, Psoe e Bng- represéntannos a todos nós. Todos os que alí están son os nosos representantes, e por representarnos a todos nós, votantes ou non, representan globalmente a Galicia. E viceversa.

O pasado mércores moi mal quedamos representados. E a institución que debe encarnar a responsabilidade, a tranquilidade, o estudio e debate dos nosos problemas transformouse nun camarote dos Irmáns Marx, polos arrebatos e excesos verbais de todos.

A principal virtude do pobo galego, ese sentidiño nunca ben ponderado, brillou pola súa ausencia. E todo foi un sensentido impropio daquela institución onde todos debemos vernos reflictidos.

Mal está que a Consellería correspondente anule acordos da anterior etapa coa disculpa de que merecen maior estudio. Mal está que os alcaldes opten pola manifestación na rúa e no Parlamento para tentar solucionar un problema político, pero expresivos exemplos anteriores tiveron abondos. Mal está o debate político entre as dúas forzas maioritarias coa crispación existente que non precisa vir de Madrid pero que tamén ven.

En resúmen: O pobo galego, votantes e non votantes, representados todos, diante de casos coma este miramos para outro lado como se puidesemos pasar páxina e esquecer -por non ver- o espectáculo.

Pedimos "sentidiño" a tódolos cargos públicos, empezando polos alcaldes, seguindo polos exconselleiros, e chegando ós actuais gobernantes, Parlamentarios e Presidencia do Parlamento.

Non nos poñamos nerviosos, que ós actuais alcaldes quédanlles case dous anos no cargo, ós conselleiros e parlamentarios case catros, pero ó pobo galego toda a vida. E nunca os votamos para espectáculos abochornantes senón para que leven con dignidade a dignidade que lles concedemos.
Editorial
Editorial


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania