Opinión en Galicia

Buscador


autor opinión

Editorial

Ver todos los editoriales »

Archivo

Medrade e multiplicádevos

lunes, 24 de marzo de 2014
Galicia envellece a pasos axigantados... Cada día hai máis vellos, duramos máis os que aquí vivimos, nacen menos nenos, polo que non é extraño que teñamos unha das poboacións máis envellecidas de Europa.

Nacen cada vez menos nenos, non facendo falla que o digan os demógrafos, as estatísticas e as autoridades competentes, senón que o notamos no noso contorno, que chegados a este punto hai que ser moi valentes para traguer a un neno ao mundo, e xa non digamos -para os que xa teñen algún- aumentar a familia.

Foi o Presidente Fraga o primeiro que falou desde a Xunta da urxente necesidade de que nacesen máis nenos para evitar que Galicia fose dentro de poucas décadas un ermo no que vivirán os vellos que consigan/consigamos resistir e a xente nova procedente de oleadas migratorias que xa nin siquiera se producen por falta de oportunidades laborais para os que pudieran vir de fóra. E as autoridades seguen a abogar porque nazan nenos para renovar o censo, animando a que as parellas procreen, sen mencionar o chamamento bíblico de “medrade, multiplicádevos e poboade a terra”, aínda que tamén, que o noso rural está ficando deserto.

E para fomentar que nazan nenos, esquecido aquel vello sistema dos “puntos” aos traballadores con cargas familiares, as institucións xenerosamente elevan un puñado de euros a desgravación por fillo, subvencionan con cen euros ao mes ás nais traballadoras con nenos menores de tres anos, e subvencións anuais de trescentos euros por neno, tamén ata os tres anos.

Cabe preguntarse se as autoridades competentes teñen idea dos esforzos –e falo só dos económicos- que na actualidade conleva criar un neno. Seguro que nunca leron a Luis Pimentel cando –diante das mortes do funesto trinta e seis- xemía polos ímprobos esforzos para chegar a forxar un home.

Vendo o que pasa noutros países e as míseras axudas para os pais que crían nenos, cando nos volvan dicir que ten que aumentar a poboación infantil haberá que respostar que vaian predicando co exemplo para que saiban –díxoo a Biblia- o que é parir con dor, e criar con sufrimento esa nova poboación que todos queren pero ninguén apoia como é menester.
Xiz, Xulio
Xiz, Xulio


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania