Unha farsa histórica

Desde o Preguntoiro

O informe do relator especial da ONU manifesta que España é o único país que despreza o sufrimento e os dereitos das vítimas do xenocidio levado a cabo polo xeneral golpista Franco, España ten que atopar a verdade, a xustiza e a reparación dos crimes.

Hoxe este país é o segundo do mundo con máis mortos enterrados en fosas comúns, superado por Camboia de Pol Pot. Isto non será moi doado o ter que recoñecer que os seus netos, ( os que hoxe séntase en órganos do poder) non movan nin un dedo para acatar as resolucións das Nacións Unidas.

A lei de Amnistía de 1977, é o alicerce da chamada transición, é o nu da corda dese paquete do atado é ben atado. Esta Amnistía rematou coa impunidade aos criminais de guerra, liberdade aos detidos políticos da ditadura, retorno dos exiliados, esquecemento dos mortos e desaparecidos, negación do dereito a reclamo algún dos familiares das vítimas, a non revisión do pasado e con isto tratar de consolidar unha versión oficial terxiversada e falsa da historia de España do século XX.

A esa negociación, a esquerda deste país foi como unha das forzas derrotadas, chegando a capitular. Agora ante os problemas que temos, non son máis que aquela apodrecida política de baixada de pantalóns. Cando digo esquerda, refírome ao responsable do PCE, Santiago Carrillo, porén, non só a esta forza, senón a outras correntes políticas, das que todos sabemos moi ben.

Neste país tampouco houbo unha depuración das forzas de seguridade da BPS, (torturadores, asasinos) ao contrario, foron co tempo destinados a cargos de libre designación: delegados de goberno, comisarios en comisarías, comisarios xefes da Policía Nacional en grandes cidades, directores e instrutores da escola de policía, outros estiveron na escolta da Casa Real e case todos eles condecorados moitas veces coa Cruz ao Mérito Policial. Na Revolución dos Caraveis en Portugal, a policía política PIDE foi depurada dun plumeiro, ata moitos deles tiveron que fuxir do país.

Na actualidade estamos pagando aqueles cachifallos, ou sexa, daqueles pos viñeron estes bulleiros.