Estancos a subasta

Estancos e Loterías eran en tempos adxudicacións directas por parte da Administración a determinados administrados. Era un xeito de premiar servizos especiales no eido da política, para compensar perdas familiares ou remediar situacións de penuria, sempre iso sí dentro do círculo de amigos políticos.

Eses tempos pasaron, e agora estes tipos de negocios teñen un rexime especial que se axusta ao tempo democrático, e agora os estancos sairán a subasta para ser adxudicados a quen máis puxe por eles. E os adxudicatarios poderán importar tabaco doutros paises, terán horarios libres, e poderán vender por internet a residentes doutros países.

Esto, nun tempo no que o tabaco está proscrito pola saúde e pola normativa, pero a pesar deso a Administración non renuncia a percibir cantidades sustanciosas polo comercio e explotación dun producto que se sabe é nocivo, ten elementos adictivos e ten caído totalmente en desgracia social.

O negocio é o negocio. Alomenos, iso sí, é un negocio democrático xa que calquera pode ser dono dun estanco, un deses establecementos que deixaron de ser un coto pechado para os que non tiñan determinada cor.