Seremos os primeiros

Dar ánimos está moi ben como primeira medida diante da situación na que agora mesmo nos atopamos. Porque o primeiro mal que nos aqueixa é a desesperanza diante do panorama xeral que nos envolve.

Cando as autoridades competentes nos animan indicando que saímos da crise, do pozo, do tunel, tomamos a información a beneficio de inventario sen acabar de ter fe – crer o que non vimos- na información oficial. Pero cando a información procede dun banco, dámoslle algo máis de credibilidade porque aínda que o seu fin é fundamentalmente económico entendemos que non ten interese en convencernos e si en constatar o que as súas investigacións reflicten.

Por iso, quizais sexa de interese a previsión que o servizo de esstudos económicos do BBVA asigna a Galicia para o próximo 2014 no que vaticina que Galicia, xunto con Castela León e Baleares, serán as primeiras do conxunto das autonomía sen progresar no próximo ano. Mentras para España se prevé un crecemento do 0,9% para o 2014, en Galicia – se facemos caso deste gran banco- medraremos un 1,3%.

As previsións do departamento de estudos económicos do banco baséanse na consolidación fiscal, na exportación, en que a recesión xa tocou fondo e en que non se destruirá emprego e que, en fin, o panorama vai mellorar.

Como en algo necesitamos crer, ogallá acerten cos seus pronósticos, que boa falla nos fai.