lunes, 19 de octubre de 2026
Durante a súa intervención, Xosé Merelles puxo en valor o traballo da organización na difusión e promoción do Camiño de Santiago e de toda a cultura xerada arredor das rutas xacobeas. Destacou, ademais, a importante aportación do Comité na planificación dos futuros eventos que conformarán o programa de actividades de cara ao Xacobeo 2027.
Previo a isto, estase xa preparando un Coloquio Internacional do Comité de Expertos do Camiño de Santiago centrado no Camiño Portugués, pensado para novembro de 2026 en Tui. Presentáronse ademais varias propostas desde Brasil, como o Ciclo de Estudos Composteláns e o III Congresso Internacional Sacralidades Medievais: Divulgação Científica e Publicização do Caminho de Santiago no Brasil, a celebrar xa en abril de 2026.
Ademais dos futuros eventos, o encontro serviu para analizar o desenvolvemento da revista Ad Limina, centrada en estudos do Camiño de Santiago e no fenómeno das peregrinacións. En concreto, repasouse a traxectoria nos últimos números editados, avanzouse a temática e proxección de futuras edicións e debateuse sobre os protocolos de avaliación e seguimento.
Na reunión houbo tempo para revisar outros temas relacionados co Comité, como o estado actual da edición das actas do XIII Congreso Internacional de Estudios Xacobeos ou o da colección de libros do Comité.
O xurado dos Premios da Cultura Galega 2026 reuniuse hoxe en Santiago de Compostela para outorgar os recoñecementos desta edición. A xuntanza, que tivo lugar na Cidade da Cultura de Galicia, estivo presidida polo conselleiro de Cultura, Lingua e Xuventude, José López Campos. Ao remate do acto, fíxose público o fallo nas distintas categorías propostas, resultando galardoados María Solar, en Letras; Almudena Fernández Fariña, en Artes Visuais; a compañía Elefante Elegante, en Artes Escénicas; a Asociación Galega de Empresas Musicais, en Música; Alfonso Zarauza, na categoría Audiovisual; Espazo Lectura, en Lingua; o Obradoiro de Gaitas Seivane, en Patrimonio Cultural; e o Festival EmigraSON, en Proxección Exterior.
O obxectivo desta rede de recursos é acompañar ás persoas con discapacidade ao longo da súa vida, desde os primeiros anos ata que se fan maiores, ofrecendo respostas axeitadas a cada etapa e a cada necesidade. Desde o ano 2016, o número de unidades de atención temperá aumentou ata as 57. Estes servizos públicos e gratuítos dirixidos a nenas e nenos de 0 a 6 anos de idade son fundamentais para detectar, previr e actuar ante trastornos de desenvolvemento. A Rede galega de atención temperá na actualidade chega a máis de 200 concellos e a 6.000 familias.
