Noticias

Vantaxes da intelixencia artificial para impulsar a empregabilidade

A directora xeral de Formación e Cualificación para o Emprego, Zeltia Lado, participou na Coruña na presentación de The Key, escola de empregabilidade no ámbito das TIC do Grupo Nortempo. Alí salientou as vantaxes de apoiarse na intelixencia artificial para cubrir as demandas das empresas en relación coas necesidades de man de obra e atender as persoas que estean buscando activamente traballo. Nesta liña, salientou que a Xunta puxo en marcha a ferramenta software EMi nas 54 Oficinas de Emprego de Galicia para facilitar a conexión da oferta e demanda en tempo real mediante recomendacións baseadas na IA.

Ademais, Zeltia Lado puxo en valor o labor de perfilado competencial que realiza EMi, ferramenta pioneira en España e en Europa, que se reforzou cun programa aprobado hai uns días no Consello da Xunta. A través desta acción o Goberno galego busca avanzar na detección de competencias para facilitar aos orientadores laborais a toma de decisións de cara a aumentar a empregabilidade coa previsión de que se poidan beneficiar máis de 70.000 persoas ata setembro de 2025.

R, 2024-07-04

Actualidad

Galicia rexistrou o segundo mes de setembro máis cálido desde o ano 1961, cunha temperatura media 2,4 graos máis alta do habitual

Foto del resto de noticias (veran-calor-ferrol.jpg)

Galicia rexistrou un mes de setembro seco e moi cálido, cunha temperatura media de 20,4 graos, é dicir, 2,4 graos por riba do habitual nesta época do ano. De feito, foi o segundo setembro máis caloroso na Comunidade desde 1961 (ano de inicio da serie histórica), tan só superado polo de 2018. Así consta no último informe climatolóxico mensual de MeteoGalicia, presentado esta mañá en Santiago de Compostela.

Medra a matrícula de FP en todas as provincias, con Ourense á cabeza

Foto de la tercera plana (fp-madeira-2.jpg)

No que atinxe ao reparto territorial, a matrícula medra de forma xeneralizada en todas as provincias e en todas as áreas, sendo a provincia de Ourense a que rexistra unha porcentaxe máis elevada de crecemento. Así pois, Ourense acada as 7.053 persoas na FP (+7,43%), Lugo conta con 7.774 matrículas (+6,76), Pontevedra con 27.642 persoas (+5,64%) e A Coruña rexistra 32.914 persoas matriculadas (+5,44%). Esta dinámica alcista dáse tamén en todas as áreas territoriais, sendo a que máis medra a de Barbanza-Muros-Noia (+10,61%), seguida de Lemos-Chantada-Quiroga (+9,22%), A Mariña (+7,89%), Área de Ourense (7,54%) e Verín-Limia-Baixa Limia (+7,39%).

Notas

Seres fantásticos poboan a Sala Manuel Moldes na primeira exposición do curso

A Sala Universitaria Profesor Manuel Moldes abre a súa programación do curso 2026/2027 con Seres, unha exposición sobre as entidades imaxinarias que poboan o noso folclore persoal e os vínculos que establecemos con elas, segundo sinala o seu comisario, o artista e profesor da Facultade de Belas Artes Thomas Apostolou.

Biomateriais e bioimpresión 3D centran parte do programa da XIX Xornada Científica de Terapia Celular e Medicina Rexenerativa no CICA

O Centro Interdisciplinar de Química e Bioloxía (CICA) da Universidade da Coruña (UDC) acolle a XIX Xornada Científica de Terapia Celular e Medicina Rexenerativa, organizada polo grupo de investigación TCMR. O encontro reúne especialistas de institucións españolas e portuguesas para compartir liñas de investigación biomédica e favorecer a colaboración entre disciplinas.