domingo, 25 de octubre de 2026
Neste senso, o mandatario galego en funcións lembrou que o Goberno galego enviou ao Ministerio de Transportes e Mobilidade Sostible no pasado mes de outubro unha serie de propostas sobre as melloras necesarias. E ante a falta de resposta, anunciou que estas peticións e necesidades serán unhas das cuestións fundamentais que abordará co titular do Executivo central, Pedro Sánchez, na reunión que lle solicitará inmediatamente tras a súa toma de posesión como presidente da Xunta.
Trens avril despois de Semana Santa
Rueda precisou detalles da avalación de xeito pormenorizado que realiza este informe sobre o funcionamento dos servizos de ferrocarril na comunidade. En concreto, referiuse a que aínda se continúe a agardar pola data concreta de activación dos trens AVRIL, a única opción para que a alta velocidade, ademais de a Ourense, chegue ás cidades restantes. Non sabemos nada, só rumores, lamentou o presidente da Xunta en funcións.
Neste senso, lembrou que o Ministerio de Transportes e Mobilidade Sostible, despois de ter incumprido todas as datas anunciadas ata agora, trasladou o seu compromiso de posta en servizo dos trens Avril no primeiro trimestre de 2024. No entanto, apuntou que semella que tampouco no período de vacacións de Semana Santa Galicia se poderá contar con este activo que xa reclamara, sen éxito, para o Xacobeo 2021-2022 e que, segundo alertou, supón unha nova oportunidade perdida para o sector turístico.
Rueda tamén lamentou a incógnita de que o Goberno de España tampouco teña confirmado as unidades destes trens de rodadura desprazable que disporá Galicia, estimándose necesarios 7 trens Avril e 6 servizos diarios (entre ida e volta) para garantir a competitividade entre Madrid e as cidades galegas. En todo caso, adiantou que serían absolutamente insuficientes que se confirmase o rumor de que, finalmente, poden ser só dúas as unidades.
Plan director do Corredor Atlántico
Rueda tamén se referiu ao Plan Director do Corredor Atlántico que considerou fundamental para mellorar a competitividade das empresas do noroeste. Nin está nin se lle espera, alertou, ao tempo que recriminou que o comisionado non se teña reunido aínda co Goberno galego. Sobre esta infraestrutura, explicou que as comunidades afectadas teñen calculado que serán precisas actuacións por un importe de 8.000 M para adaptar as infraestruturas.
Ademais, tamén advertiu que o Goberno galego percibiu a mesma desatención por parte do Executivo central en crear unha rede de cercanías como hai noutras comunidades, que sería clave para mellorar a mobilidade, sobre todo na contorna de cidades como Vigo e A Coruña. Nunca máis se volve falar deste tema que para Galicia sería prioritario, advertiu en referencia a que este foi un compromiso adquirido por Pedro Sánchez na súa sesión de investidura como presidente do Goberno de España.
Mellora tramos AVE Madrid-Galicia
Rueda lembrou que outra das propostas sen resposta que a Xunta trasladou en outubro ao Goberno central foi a da necesidade de mellorar certos tramos do AVE Madrid- Galicia.
En concreto, o presidente da Xunta en funcións referiuse a rematar tramos como aentrada a Ourense pola Variante exterior; de culminar as obras da estación intermodal da cidade das Burgas ou de remodelar o túnel do Padornelo. De igual xeito, tamén demandou axilizar os nós fóra de Galicia para facilitar a conexión con alta velocidade con outros territorios. Neste senso, puxo como exemplo que a variante de Olmedo permitiría a conexión directa con País Vasco ou Cataluña sen pasar por Madrid.
AVE Vigo-Porto
Ademais, tamén fixo fincapé en que o informe revela que aínda non existe un cronograma nin plan de investimentos do AVE Vigo-Porto. En concreto, puxo como exemplo da falta de vontade do Goberno central en materia de infraestruturas ferroviarias comprometidas con Galicia o estado da Saída sur en Vigo.
Hai un eterno papeleo nos medios, pero non hai ningunha realidade, advertiu. Polo contra, salientou que o Goberno portugués avanza nos seus prazos de cara a posta en marcha desta infraestrutura.
Liñas Ferrol-A Coruña; Monforte-Coruña e Ferrol-Ribadeo
Finalmente, o mandatario galego en funcións tamén lamentou que no informe se constata que tampouco hai previsións da imprescindible modernización das liñas Ferrol-A Coruña; A Coruña- Monforte ou Ferrol-Ribadeo.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
