sábado, 7 de noviembre de 2026
Ademais, a delegación da OMS amosou o seu interese en coñecer as fortalezas e solucións que se lle están a dar aos retos asistenciales e organizativos que actualmente se están a afrontar na atención primaria da nosa comunidade.
Neste encontro, a Consellería de Sanidade explicou dúas das iniciativas máis innovadoras que, neste momento, están a funcionar no Servizo Galego de Saúde. A directora xeral de Planificación e Reforma Sanitaria, presentou o Programa para a xestión integral da demanda en equipo (XIDE), e, pola súa parte, o subdirector xeral de Xestión Asistencial e Innovación do Sergas, Alfonso Alonso, detallou o funcionamento da Plataforma tecnolóxica de asistencia domiciliaria (TELEA).
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
