jueves, 1 de octubre de 2026
As luces que percorren os edificios e o Bosque de Galicia guiarán as persoas visitantes ata o Museo Centro Gaiás, onde poderán internarse noutra fraga singular habitada por flora e animais típicos de Galicia, como raposos, paxaros e coellos, todos eles construídos con papel e cartón. Tamén os adobíos da grande árbore que presidirá o Hall de Tirantes serán confeccionados con papel, empregando a técnica do origami.
A modo de lembranza dos 10 anos que cumpre o museo en 2022, os carteis e folletos das actividades que acolleu nesta última década terán unha segunda vida como base para a elaboración destes adornos.
No interior deste Bosque de papel desenvolveranse obradoiros nos que nenas e nenos a partir de 6 anos de idade e maiores aprenderán este técnica de papiroflexia nacida no Xapón para elaborar os seus propios enfeites de Nadal estrelas, bólas, árbores, barquiños, etc. que poderán levar para as súas casas ou colgar da árbore do Gaiás.
Estes talleres son gratuítos e realizaranse ao longo de varias quendas, de acceso libre, do 27 ao 30 de decembro. Haberá tamén un obradoiro máis avanzado, para rapazada a partir de 14 anos de idade, na mañá do 17 de decembro, igualmente de balde pero con reserva previa de praza a través da web da Cidade da Cultura.
Afondar na arte contemporánea e nos segredos do Gaiás
Na última semana de decembro e na primeira de xaneiro, a Cidade da Cultura programa unha serie de visitas comentadas especiais, ás exposicións e á arquitectura do Gaiás, gratuítas e dirixidas ás familias. Nas primeiras poderán descubrir, dunha maneira lúdica e divertida, os significados e sentidos da arte contemporánea a partir de seis pezas da exposición De lugares e cousas. Colección de arte Banco Sabadell.
As visitas arquitectónicas familiares tomarán a forma dunha xincana, a medio camiño entre xogo de exploración e concurso de preguntas, co que afondar en como foron construídos os edificios do Gaiás e as súas curiosidades máis divertidas. A información sobre horarios, quendas e reservas para ambas visitas está dispoñible tamén na web.
Música, teatro e un novo Galiverso
A programación complétase cun concerto, teatro, o tradicional concurso infantil de postais e unha edición especial de Nadal do Galiverso. Os trasnos que axudan ao Apalpador a repartir agasallos darán un concerto especial na Biblioteca de Galicia na tarde do sábado 17 de decembro, co que farán un divertido repaso da súa vida e das panxoliñas e cantos de Reis tradicionais destas festas.
Remataremos o ano coa peza de teatro de marionetas Ás para Álex, na que se aborda a necesidade da esperanza e o xogo para superar os atrancos e dificultades da vida, e neste caso concreto para soportar unha enfermidade. Baobab Teatro convídanos a rir e emocionarnos en familia con esta obra comprometida, divertida e chea de tenrura, o día 29 e decembro ás 17,00 horas no Museo Centro Gaiás. As entradas para o espectáculo estarán á venda desde o luns 5 de decembro en Ataquilla.com.
E xa para comezar o novo ano, a Cidade da Cultura estrea unha edición especial do Galiverso que poderá visitarse do 2 ao 5 de xaneiro no andar -1 do Museo. Novas experiencias de realidade virtual, accesibles a partir dos 12 anos de idade, que terán o inverno, o Nadal e as celebracións destas datas como protagonistas.
A sexta edición de 6coreógrafas acollerá dúas estreas: Trés bien, de Marta Alonso Tejada, un dúo de danza contemporánea de rúa interpretado por María de Vicente e Inés Santos que explora o esforzo de sosterse e permanecer xuntas, e BenQuererme, un solo de de Fran Sieira, que combina danza tradicional e contemporánea para reflexionar sobre o autocoidado emocional e o amor propio. A programación completarase con Suit(e), de Furia Sotelo, un diálogo entre a danza de Nuria Sotelo e o violonchelo de Millán Abeledo, e Bipedestrucción, da compañía navarro-galega Disiden.cia, unha peza de rúa para todos os públicos que aborda desde o humor a identidade, a diversidade e a importancia da comunidade.
O presidente da Xunta, Alfonso Rueda, informou de que o Goberno autonómico vén de autorizar na reunión desta mañá o envío ao Consello Consultivo de Galicia do decreto polo que se crea o Rexistro de autorizacións e concesións no dominio público marítimo-terrestre (DPMT). 'Isto vai situar Galicia á vangarda en transparencia e xestión do litoral', indicou. 'Imos habilitar un sistema para que a cidadanía poida coñecer en todo momento os usos e autorizacións vixentes na costa galega', salientou o presidente sobre un Rexistro, concibido para incorporar progresivamente as autorizacións e concesións no DPMT e que permitirá sistematizar e ampliar a información dispoñible sobre as actividades autorizadas, o que resulta fundamental para avanzar na planificación, protección e xestión integrada da costa galega así como reforzar a seguridade xurídica das actividades e proxectos.
