domingo, 1 de noviembre de 2026
Como actividades parelelas, o ciclo inclúe a iniciativa Novas Voces da Lírica Galega no Auditorio Martín Codax ás 19,00 horas. Neste caso será con entrada libre e a representación será a cargo da soprano Lucía Iglesias e Carlos E. Pérez ao piano e Aldara Otero ao violín.
O auditorio municipal acollerá o ciclo Ópera no cine, de entrada libre. O 14 de setembro visionarase Macbeth; o 28 de setembro, Der Fliegende Hollander; o 5 de outubro, I due Foscari, e o 26 de outubro. Suor Angelica. A iniciativa completarase cun ciclo de conferencias no Centro Social Afundación. Todas serán ás 19,00 horas e de entrada libre. O 24 de setembro Pauline Viardot. Una estrella que alumbró a los demás a cargo de Teresa Adrán, musicóloga e divulgadora musical; o 22 de outubro Corelli. La voz titánica con Ricardo de Cala, director e presentador de Maestros Cantores en Radio Clásica e o 2 de novembro Caruso. Poderoso Señor con Victoria Stapells e Arturo Reverter, escritores e críticos musicais.
Visita
O secretario xeral de Cultura, Anxo M. Lorenzo, visitou hoxe os ensaios da actuación inaugural do Festival Outono Lírico, organizado pola Asociación Amigos da Ópera de Vigo que conta un ano máis co apoio da Xunta de Galicia.
O representante da Consellería de Cultura, Educación e Universidade presenciou as probas realizadas polo tenor Ismael Jordi e a soprano Sabina Puértolas no Teatro Afundación para a preparación do primeiro concerto da edición deste ano do Festival, que arrancará mañá na cidade. Anxo M. Lorenzo recordou o apoio manifesto e constante do Goberno autonómico a esta entidade polo destacado traballo que a Asociación de Amigos da Ópera de Vigo está a facer desde hai anos por promover este xénero musical entre todos os públicos.
Neste sentido, salientou que o Goberno autonómico aposta por reforzar este xénero musical durante este Xacobeo 21-22, a través dunha serie de apoios ás catro principais agrupacións galegas deste xénero entre as que se atopa a Orquestra Vigo 430. O noso obxectivo é reforzar a presenza da música clásica na celebración do Ano Santo, achegándoa ao gran público, en consonancia co que entidades como a Asociación de Amigos da Ópera de Vigo está a facer desde hai anos, expresou.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
