domingo, 8 de noviembre de 2026
Neste sentido, Conde puxo en valor a importancia do Centro de Investigación Aerotransportada de Rozas (Ciar) como motor esencial da Estratexia 2021-2025, xa que nestes momentos conta cunhas instalacións pioneiras en Europa para a realización de ensaios certificados e para a investigación con drons. Así, avogou por afianzar a colaboración entre Xunta e Inta para consolidar o liderado do Polo Aeroespacial de Galicia e convertelo na primeira Infraestrutura Científico-Tecnolóxica Singular (Icts) en España especializada en vehículos aéreos non tripulados e avanzar na súa sustentabilidade económica.
O Goberno galego aposta por un Plan estratéxico do Polo Aeroespacial de Galicia de cara aos próximos cinco anos co que se espera a participación de máis de 200 pemes do sector; a atracción de, alomenos, catro a oito empresas tractoras; a implantación de 20 novas solucións tecnolóxicas que permitan mellorar a eficacia, eficiencia e seguridade dos servizos públicos; a firma de, como mínimo, cinco acordos de I+D de compra privada de innovación ao ano; e a incubación ou aceleración de 24 novas empresas.
Trátase dun dos proxectos tractores que integran a candidatura de Galicia aos fondos Next Generation, polo que se finalmente o Goberno central accede a que o Polo Aeroespacial forme parte deste programa europeo, podería chegar a mobilizar 540M de investimento público-privado, dos cales xa ten comprometidos 70M destes, 40 millóns se destinarán a licitación de Compra Pública Precomercial que será publicada ao longo do mes de xullo.
O vicepresidente económico sinalou esta mañá o compromiso da Xunta de Galicia co desenvolvemento dunha política industrial e de innovación activa orientada ao desenvolvemento do sector aeroespacial e destacou a oportunidade que supón a Estratexia do Polo Aeroespacial de Galicia 2021-2025 para xerar emprego de calidade e atraer e captar ao mellor talento. Ademais, valorou a colaboración público-privada como ferramenta clave para contribuír ao fortalecemento das capacidades de universidades e empresas dos sector aeroespacial e lograr un incremento da cooperación entre o sector empresarial e industrial e os centros de coñecemento e tecnoloxía.
Desde a súa posta en marcha no 2015, o Polo Aeroespacial de Galicia xa ten permitido mobilizar 164 millóns de euros dez veces máis do investimento previsto e sumar a participación de 937 profesionais e medio cento de pemes e centros de coñecemento galegos. Ademais, conta coa implicación de tres compañías referentes no sector como son Indra, Babcock e Boeing.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
