sábado, 8 de agosto de 2026
Para logralo, avanzou que se desenvolverán unha trintena de actuacións, baseadas na colaboración institucional e público-privada, entre as que se atopan: o financiamento de grandes programas de I+D na busca de tecnoloxías disruptivas a realización de actividades escolares para promover as vocacións científicas; a compra de solucións baseadas nestas tecnoloxías para os servizos da Xunta; o impulso do aeródromo de Rozas como polo aeronáutico, coa mellora das súas infraestruturas; e o apoio ás empresas galegas desta industria coa apertura cara a novos mercados.
En relación ao investimento, o titular da Xunta resaltou un investimento xa comprometido para este período de preto de 70 millóns de euros, dos que 40 se destinarán á licitación de Compra Pública Precomercial, que será publicada ao longo do mes de xullo.
Durante a súa intervención, Feijóo recordou que o Polo aeroespacial é tamén un dos proxectos tractores que integran a candidatura de Galicia aos fondos Next Generation, polo que, se finalmente o Goberno central accede a que poida formar parte deste programa, esta iniciativa tería a oportunidade de mobilizar ata 540 millóns a través da colaboración público-privada.
Entre os resultados que se esperan obter, destacan: a atracción de 4 a 6 empresas tractoras; a implantación de 20 novas solucións tecnolóxicas que permitan á Xunta mellorar a eficacia, eficiencia e seguridade dos seus servizos; a firma de, polo menos, cinco acordos de I+D de compra privada de innovación; así como a creación de 24 novas empresas.
En definitiva, buscamos impulsar o crecemento económico de Galicia e a súa cohesión; consolidar a nosa comunidade como unha rexión de referencia en Europa no segmento dos vehículos aéreos non tripulados; atraer empresas líderes para que invistan aquí e favorecer a comercialización e internacionalización dos produtos e servizos desenvolvidos polas empresas do sector aeroespacial, dixo, a modo de resumo.
Por último, Feijóo resaltou tamén o obxectivo de converter o sector nun elemento fundamental para avanzar tanto na transformación dixital como na transición ecolóxica. Deste xeito, buscarase dar resposta a novos retos do eido público e privado, como unha mellor atención á dependencia e á xestión de emerxencias; a modernización do agro ou a seguridade turística; así como o desenvolvemento de drons libres de emisións que poidan estar ao servizo da xestión sustentable dos recursos.
Cómpre salientar que, desde a súa posta en marcha en 2015, o Polo aeroespacial galego permitiu mobilizar un investimento de 164 millóns de euros, contar coa participación de 937 profesionais e medio cento de pemes e centros de coñecemento, ademais da implicación de tres compañías multinacionais referentes no sector como Indra, Babcock e Boeing.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
