viernes, 6 de noviembre de 2026
Estes certificados terán un código QR que servirá para validar que están emitidos pola Consellería de Sanidade. Esta comprobación poderase realizar na sede electrónica da Xunta.
Segundo informou García Comesaña, a Comisión Europea presentou, o 17 de marzo, un proxecto lexislativo para a emisión dun Certificado Verde Dixital cos mesmos criterios para todos os países da UE. O seu principal obxectivo é impulsar a mobilidade entre os países da UE durante a vixencia da pandemia. Trátase dun conxunto de certificados que emitirán os estados membros de ter recibido a vacinación; ter dado negativo en covid; e terse recuperado recente da infección. Deben poderse emitir en formato dixital e en papel, incluír un código QR para garantir a súa autenticidade, estar impresos no idioma ou idiomas do estado emisor e en inglés, e distribuírse de xeito gratuíto.
Tal e como explicou o conselleiro, os prazos da posta en marcha do Certificado Verde Dixital sitúan ao mes de xuño como data na que se poderán emitir en España. Será un traballo conxunto entre o Ministerio de Sanidade e todas as comunidades autónomas.
Accesible dende PassCovid, É-Saúde e SergasMóbil
García Comesaña subliñou que, ata que non sexa posible emitir estes certificados europeos, a Xunta de Galicia porá a disposición da cidadanía. de forma progresiva durante o mes de abril, cada un destes certificados, empezando polo de vacinación e continuando despois polo de probas negativas e recuperación da infección. Terán un contido similar ao proposto pola Unión Europea, e, cando exista a posibilidade técnica de substituílos polo Certificado Verde Dixital, farase de xeito inmediato. Así, estaremos preparando, -dixo o conselleiro-, todas as plataformas e circuítos para dar o salto dunha forma máis doada e eficaz.
O certificado distribuirase polas mesmas canles que despois se utilizarán para distribuír o Certificado Dixital Verde. En formato dixital, serán accesibles dende PassCovid, É-Saúde e SergasMóbil. Para a súa entrega en formato impreso, poderase acceder a eles dende a historia clínica electrónica e habilitarase un acceso nos sistemas de información para que, tamén, poidan imprimilo as áreas administrativas.
Nivel restricións concellos
Na reunión do comité clínico de hoxe acordouse que a Xunta de Galicia manterá o nivel máximo de restricións no concello de Beade, logo de escoitar as recomendacións dos expertos que avalían a situación da covid en Galicia.
Así mesmo, o comité acordou que, no nivel alto de restricións, se sitúen os concellos de Abegondo, Baiona, Cortegada, O Irixo, Ortigueira, Padrenda, Pazos de Borbén, A Pobra do Brollón, Rábade, Sanxenxo e O Saviñao.
Quedarán no nivel medio de restricións, Vilardevós, Celanova, O Carballiño, Ribadavia, Xinzo de Limia, Cangas, Moaña, Gondomar, Meis, Bergondo, Boimorto, Carral, A Coruña, A Laracha, Arteixo, Betanzos e Camariñas.
No resto dos concellos galegos, estarán vixentes as restricións fixadas no nivel medio baixo.
Todas estas medidas entrarán en vigor ás 00,00 horas do vindeiro venres, 2 de abril.
Vacinación e estabilidade
Na rolda de prensa posterior ao comité, o conselleiro insistiu, tamén, na importancia de seguir avanzando no proceso de vacinación, e a tal efecto reclamou máis vacinas. Tamén subliñou que a Xunta de Galicia vacinará todos os días desta Semana Santa.
Igualmente destacou que o cribado nos aeroportos galegos, que xa estaba a realizar no da Coruña, comeza hoxe no de Vigo e de Santiago. Esta medida complementa ao Rexistro galego de viaxeiros que, dende o seu inicio, xa ten máis de 683.000 inscricións.
A directora xeral de Saúde Pública, Carmen Durán Parrondo, sinalou que Galicia está na actualidade nunha situación de estabilidade no que atinxe aos datos epidemiolóxicos, cunha incidencia a 7 días de 31 casos (media de España de 80) e a 14 días de 70 (media de España de 149).
A taxa de positividade sitúase no 2,73%. Tamén destacou que o número de concellos sen declarar ningún caso covid nos últimos 14 días foi de 140, e de 180 concellos nos últimos sete días sen ningún caso declarado.
Pola súa parte, o xerente do Sergas, José Flores Arias, sinalou que a porcentaxe de ocupación nas unidades de críticos sitúase no 5,24%, cunha baixada do 37,5%, e a ocupación nas camas de hospitalización é do 2,39%, cunha baixada do 10,5%, o cal permite un optimismo contido, -sinalou-.
O membro do comité clínico, o doutor Vázquez Lima, remarcou a situación de estabilidade, e agradeceu o comportamento daqueles cidadáns que cumpren coas normas. Tamén pediu que se fomenten as actividades ao aire libre e fuxir dos espazos pechados.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
