viernes, 8 de mayo de 2026
Segundo Guldrís, os resultados correspondentes exclusivamente ao mes de novembro confirman esa tendencia, xa que a baixada foi só do 0,4% con respecto ao mesmo mes do ano anterior un punto mellor que a media do Estado.
Na rolda de prensa na que informou dos últimos datos publicados sobre o comercio exterior galego, o director do Igape tamén puxo de relevo a intensificación da aposta da Xunta de Galicia por impulsar a presenza das empresas galegas nos mercados exteriores no actual contexto económico. Ademais, subliñou que en 2021 o Goberno galego destinará preto de 23 millóns de euros a reforzar e ampliar as medidas postas en marcha neste eido co obxectivo de contribuír á recuperación do tecido produtivo.
No que respecta ás diferenzas entre o comportamento das exportacións galegas e do conxunto de España, Guldrís resaltou que entre xaneiro e novembro de 2020 a diminución do volume das vendas no exterior da nosa Comunidade é menor en case catro puntos á rexistrada en todo o Estado, onde a baixada acadou os 10,9%. Ademais, indicou que a balanza comercial galega foi a terceira mellor en termos absolutos, cun saldo positivo de preto de 3800 millóns de euros, mentres que a estatal presentou unha diferenza negativa de 12.349 millóns de euros. Con respecto ás exportacións do mes de novembro, a caída do conxunto de España supera nun punto á rexistrada en Galicia e sitúase no 1,4%.
Na súa intervención, o director do Igape salientou o crecemento das exportacións a Francia tanto nos primeiros 11 meses do ano pasado, cunha suba do 22,6%, como en novembro, cun ascenso do 68,1%. Tamén son salientables os incrementos das exportacións a Turquía e Noruega, que entre xaneiro e novembro acadaron 41,7 e 36,1 puntos de incremento respectivamente en relación co mesmo período de 2019.
En canto ás exportacións por sectores, destacan os incrementos das vendas de automóbiles e de produtos alimenticios, tanto nos 11 primeiros meses como só en novembro. Mentres que as primeiras experimentaron un crecemento do 33,8% no acumulado de xaneiro a novembro e do 57% só no último mes con respecto ás mesmas referencias de 2019, as vendas da industria alimentaria subiron 18,7 e 37 puntos nos períodos respectivos.
A aposta da Xunta pola internacionalización das pemes
Para acompañar o traballo das empresas galegas, especialmente das pemes, no fortalecemento da súa presenza no exterior neste contexto e contribuír a súa recuperación económica, a Xunta vai dedicar este ano preto de 23 millóns de euros aos programas de axudas á internacionalización, reforzando as liñas xa en funcionamento e activando outras novas que facilitarán que arredor de 1500 compañías melloren a súa presenza nos mercados exteriores.
As medidas incidirán na internacionalización a través da dixitalización e o desenvolvemento de proxectos individuais e colectivos; o apoio ás empresas que manteñen ou van manter relacións comerciais co Reino Unido; o fomento da contratación de expertos en comercio exterior e a formación de persoal especializado; a realización de accións conxuntas de promoción exterior mediante a colaboración con diferentes entidades; e os servizos de soporte ás empresas a través das antenas situadas en diferentes destinos mundiais.
O director do Igape lembrou que onte se publicou a nova convocatoria do Galicia Exporta Dixital, que conta con 6 millóns de euros para impulsar as vendas internacionais de pemes, autónomos e comercios a través de ferramentas dixitais innovadoras. Os interesados poden solicitar os apoios ata o 30 de xuño. Recordou tamén que mañá xoves se publicarán as axudas para a contratación de expertos en comercio exterior que poderán solicitar pequenas e medianas empresas e organismos empresariais e que facilitarán a incorporación ao mercado laboral de 75 mozos e maiores de 45 anos en situación de desemprego.
En canto ás medidas de apoio ás compañías que comercian co Reino Unido, o director do Igape fixo fincapé en que o Goberno galego está a poñer en marcha a Oficina Brexit, o novo programa que permitirá ás compañías galegas exportadoras e importadoras coñecer e adaptarse aos novos requisitos derivados da saída do Reino Unido da Unión Europea. Esta nova liña pon á disposición das empresas cinco servizos: as axudas do Cheque Brexit das que está aberto o prazo de solicitude ata o 17 de maio-, unha nova antena en Londres, a ferramenta de autodiagnóstico xa en funcionamento, o Brexit Igape Responde e diferentes medidas complementarias de información e formación.
A programación desta nova edición volverá combinar espectáculos de sala, funcións de rúa, instalacións, música e propostas participativas arredor do mundo dos monicreques, con compañías galegas como Tanxarina Títeres, Títeres Alakrán, Babaluva, Mircromina, Trécola Producións, Troula Animación ou Bico de Toupa, xunto a formacións chegadas de diferentes puntos do Estado e de países como Francia, Italia, Portugal, Uruguai ou Arxentina. Entre as montaxes destacadas figura A Biblioteca Galáctica contra IA Fantástica, de Tanxarina Títeres, recoñecida nos Premios María Casares 2026, ademais de propostas premiadas como Gloria Bendita, de Arteria Producciones, ou Érase unha vez
dous pés!, da italiana Teatro dei Piedi.
Os bos resultados acadados nos últimos anos en biotecnoloxía sitúan a Galicia nunha posición de referencia neste sector, con moita proxección de futuro. A biotecnoloxía pasou de ser unha aposta estratéxica a converterse nun sector económico e científico con masa crítica, capacidades diferenciais e resultados medibles. Así o amosan os resultados acadados na execución da Estratexia de consolidación do sector en Galicia 21-25. Entre eles, destaca a creación de 30 novas empresas biotecnolóxicas, acadando a cifra de 162 compañías actuais; unha facturación de 2.037 millóns de euros, que cuadriplica a de 2021 e se sitúa no 2,6% do PIB; ou o aumento do emprego cualificado vencellado ao sector, acadando as 5.693 persoas traballadoras, tres veces máis desde 2021.
