sábado, 8 de agosto de 2026
Así, o vicepresidente económico explicou que é o momento de dar o salto de cualidade e, por iso, sinalou que Rozas é un dos grandes proxectos tractores que Galicia xa presentou para optar aos fondos europeos Next Generation, estruturados en sete programas e 30 actuacións que comezarán a executarse neste primeiro trimestre de 2021.
Seguirase apostando, desde o punto de vista tecnolóxico, polas empresas na identificación das liñas tecnolóxicas de interese, pero tamén se crearán novos instrumentos de financiamento para investigacións das universidades e centros de coñecemento e tecnolóxicos; no eido dos mercados, desenvolverase un programa de Compra Privada de Innovación; e desde o punto de vista regulatorio (a nova figura do sandbox regulatorio) e da seguridade xurídica, farase de Rozas un lugar de referencia para a experimentación das novas tecnoloxías que atendan estas demandas do mercado e a súa viabilidade nun entorno real. Neste sentido, o polo axiña contará cun entorno de simulación grazas á colaboración do Centro para el Desarrollo Tecnológico e Industrial (CDTI) e mais un laboratorio 5G a previsión é poder desenvolver amabas as dúas iniciativas nos dous próximos anos.
Conde lembrou que o Polo Aeroespacial de Galicia xa mobilizou un investimento de 164M, case 10 veces máis que o inicialmente previsto; executou 59 proxectos de I+D e infraestruturas para vehículos aéreos non tripulados; contou co traballo de 800 profesionais de toda España; propiciou a creación de cinco novas empresas en Galicia; puxo en macha unha Business Factory Aero na que xa se incubaron ou aceleraron 19 proxectos empresariais; e identificáronse 430 solucións tecnolóxicas, produtos ou procesos, dos que seis están preparados para o seu despegue inmediato nos servizos da Xunta de Galicia. Son servizos públicos como o control da calidade da auga, a produción de cartografía para a xestión do territorio, os servizos de protección de incendios ou o control de pragas forestais.
Conde finalizou asegurando que o traballo feito e os proxectos que se van poñer en marcha permiten facer do Polo Aeroespacial de Galicia un proxecto transxeracional que busca crear a Galicia das vindeiras xeracións ofrecendo emprego de calidade, empresas competitivas e a participación desde Galicia nas grandes tendencias e retos globais.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
