viernes, 27 de marzo de 2026
A XXIV edición deste congreso bienal sitúa o foco na Intelixencia Artificial ao servizo do ser humano a través de conferencias, sesións científicas asociadas á presentación de artigos, talleres e seminarios, mesas de debate, reunións de mozos e mozas investigadores/as con investigadores/as sénior, a presentación dalgunhas das startups baseadas en IA máis innovadoras, e mesmo eventos sociais en vivo e interactivos. Deste xeito, os asistentes poderán achegarse á historia, a gastronomía, a música, e outras manifestacións da cultura galega, así como ao Camiño de Santiago.
Evento histórico
"É a primeira vez que este congreso se realiza en dixital nos seus case 50 anos de vida e será un evento histórico, con máis contidos e participación cá nunca", afirmou o presidente do comité organizador do congreso e director científico do CiTIUS da USC, Senén Barro. O ex reitor asegurou que esta reformulación terá un impacto moi positivo sobre o número de asistentes. "Agardabamos un milleiro de persoas en Compostela e agora serán varios miles os que poderán participar", explicou.
Digital ECAI2020 conta con relatores da elite científica mundial, cuxas charlas son en directo. A presentación de traballos científicos só un de cada catro artigos foi aceptado, dun total de máis de 1.500 propostas recibidas consistirá nun vídeo pregrabado polo autor, que poderá ser visionado en calquera momento e dará lugar a un debate en directo a través de videoconferencia, ademais dunha canle de texto (chat); a principal vantaxe deste chat é que non só estará activo durante o debate en directo, senón tamén de maneira asíncrona, unha vez que o encontro remate. As sesións puramente científicas convivirán no espazo virtual da conferencia con titoriais, espazos expositivos, debates sobre a política europea en IA ou os pavillóns de distintos patrocinadores, entre outros moitos contidos.
Finalizada a conferencia, 'Digital ECAI2020' permitirá o acceso indefinido e gratuíto aos seus contidos principais, en particular aqueles de carácter científico, en liña co compromiso da Asociación Europea de Intelixencia Artificial (EurAI), entidade que auspicia o congreso e que agrupa ás asociacións de IA dos distintos países de Europa.
O presidente da Xunta, Alfonso Rueda, anunciou hoxe que a Xunta destinará un total de 270 millóns de euros a paliar os efectos do conflito en Oriente Medio na nosa comunidade. Durante a sesión de control no Pleno do Parlamento de Galicia en resposta ás preguntas dos grupos parlamentarios, o titular do Goberno galego lembrou, ao respecto da situación en Oriente Medio, que o Consello da Xunta xa analizou hai dúas semanas 'os primeiros impactos' e que Galicia foi 'a primeira comunidade autónoma en falar cos clústeres'. Nesta liña, o presidente anunciou que o vindeiro Consello autorizará 'un plan de máis de 150 millóns' para atender aos sectores afectados, que se sumará aos máis de 120 millóns que suporá para Galicia financiar as iniciativas do Goberno central a este respecto.
Para a edición de 2026, chegan desde o outro lado do Atlántico La Cura e El Vacío (ambas estreas en España), nas que o coreógrafo cubano Julio César Iglesias dirixe á prestixiosa Compañía Colombiana de Danza Contemporánea. Tamén a conferencia escénica Arder Épica (Cap. 1) na que o artista brasileiro Reinaldo Ribeiro constrúe unha nova memoria colectiva a partir das cinzas que deixou o incendio do Museo Nacional do Brasil en 2018. Forma parte tamén da programación a instalación inmersiva Hecatombe II: Movementos e rituais para a renovación do mundo, da colombiana de orixe indíxena Martha Hincapié Charry, que rescata saberes ancestrais de líderes nativos das primeiras nacións americanas.
