jueves, 1 de octubre de 2026
A aplicación presenta tres parámetros con distintas posibilidades a escoller. No primeiro deles, Model, o usuario decide entre tres opcións de modelos axustados. Un lineal (FLM), outro aditivo (FSAM) e outro non paramétrico (FNP). Os dous últimos son máis flexibles que o primeiro dada a heteroxeneidade dos datos que empregan.
O segundo parámetro, 'Variable', serve para determinar se a predición vai ser dos casos confirmados ('confirmed') con COVID-19 ou falecidos ('deaths') por esta enfermidade. En ambos casos, a predición será para un horizonte de tres días. Para rematar, 'Country/Region' permite seleccionar o país do que se fará a predición, baseándose nos datos rexistrados nesa área.
Con toda esta información, a aplicación web proporciona tres gráficas, aloxadas en tres pestanas. A primeira, Cumulative cases amosa a evolución dos casos acumulados de casos confirmados ou falecidos nos últimos quince días, e a predición para os seguintes tres. A segunda, Growth rate, amosa a evolución do ratio de crecemento da variable nas dúas semanas previas, e a predición para os próximos tres días.
Para rematar, Daily cases expón os casos diarios da enfermidade e predí a evolución nos seguintes tres días. Ademais, unha cuarta pestana, About, recolle brevemente a información do estudo realizado: fontes, metodoloxía,...
Nas tres gráficas, a predición amosa datos de tres escenarios posibles: os valores axustados representados cunha liña continua, e os límites inferior e superior, representados cunha liña discontinua. En cada unha das tres pestanas, na parte inferior da páxina, aparecen recollidas nunha táboa as cifras de predición.
Manuel Febrero e Wenceslao González, catedráticos de Estatística, Análise Matemático e Optimización, e Manuel Oviedo, investigador da USC, son os membros do grupo MODESTYA que levan traballando nesta aplicación desde o principio da pandemia. A ferramenta estatística son os modelos de regresión funcional con resposta escalar, para o cal se emprega a libraría fda.usc, da que é coautor xunto con Manuel Febrero, explica Oviedo.
Empregando esta aplicación, Febrero elabora informes diarios sobre o estado da cuestión. Tanto a información que facilita a App coma os informes diarios envíanse ao CEMat, en resposta á súa iniciativa de predición cooperativa a curto prazo, Acción Matemática contra el Coronavirus.
A sexta edición de 6coreógrafas acollerá dúas estreas: Trés bien, de Marta Alonso Tejada, un dúo de danza contemporánea de rúa interpretado por María de Vicente e Inés Santos que explora o esforzo de sosterse e permanecer xuntas, e BenQuererme, un solo de de Fran Sieira, que combina danza tradicional e contemporánea para reflexionar sobre o autocoidado emocional e o amor propio. A programación completarase con Suit(e), de Furia Sotelo, un diálogo entre a danza de Nuria Sotelo e o violonchelo de Millán Abeledo, e Bipedestrucción, da compañía navarro-galega Disiden.cia, unha peza de rúa para todos os públicos que aborda desde o humor a identidade, a diversidade e a importancia da comunidade.
O presidente da Xunta, Alfonso Rueda, informou de que o Goberno autonómico vén de autorizar na reunión desta mañá o envío ao Consello Consultivo de Galicia do decreto polo que se crea o Rexistro de autorizacións e concesións no dominio público marítimo-terrestre (DPMT). 'Isto vai situar Galicia á vangarda en transparencia e xestión do litoral', indicou. 'Imos habilitar un sistema para que a cidadanía poida coñecer en todo momento os usos e autorizacións vixentes na costa galega', salientou o presidente sobre un Rexistro, concibido para incorporar progresivamente as autorizacións e concesións no DPMT e que permitirá sistematizar e ampliar a información dispoñible sobre as actividades autorizadas, o que resulta fundamental para avanzar na planificación, protección e xestión integrada da costa galega así como reforzar a seguridade xurídica das actividades e proxectos.
