jueves, 12 de noviembre de 2026
Este mércores, dia 15, ás 12,00 h, no Colexio Fingoi vaise presentar a exposición itinerante DON RICARDO DE FINGOI CARBALLO CALERO EN LUGO, preparada polo Colectivo Egeria, co patrocinio da Xunta de Galicia e a colaboración deste colexio lucense e a Real Academia Galega.
Ao acto asistirá o Presidente da Real Academia Galega, Victor Fernandez Freixanes; o Secretario Xeral de Política Lingüística da Xunta de Galicia, Valentín Gómez García; a filla de Carballo Calero, Margarita Carballo-Calero Ramos, Magalí, e outros membros da familia; antigos alumnos de Carballo e Fingoi, e actuais alumnos deste Centro.
O traballo do colectivo Egeria concrétase nunha exposición itinerante de trece paneis de 2X1 m, xunto cun folleto que recolle os contidos dos paneis da mostra, sinaladores de lectura, a web desta celebración, www.carballocaleroenlugo.org, que ese día se pon en marcha, ademais dun libro que será editado con posterioridade.
No acto van intervir o Presidente da Real Academia; o Secretario Xeral de Política Lingüística; a directora do colexio Fingoi, Asunción Fernández Puentes, Siña; alumnos de educación primaria do centro, grupo de Gaitas Fingoi e a cantante e profesora de ´canto no Centro de Música Fingoi, Pilocha, que recitará un poema do autor homenaxeado co Día das Letras Galegas en 2020.
A razón de centrarse inicialmente en Fingoi esta homenaxe é o ter sido Ricardo Carballo Calero, durante quince anos (1950 a 1965) profesor e /conselleiro delegado deste Colexio, tendo efectuado en Lugo parte esencial do seu excepcional traballo creador e investigador.
A próxima semana, a partir do mércores, 22, esta exposición estará aberta ao público na sala de exposicións da Delegación Territorial da Xunta de Galicia en Lugo.
O 68,7 % da poboación galega de 16 a 74 anos dispón de competencias dixitais básicas ou avanzadas, fronte ao 61,4 % de 2025, o que supón un incremento relativo do 11,9 %. O 42,6 % da poboación galega de 16 a 74 anos ten competencias dixitais avanzadas, cinco puntos porcentuais máis ca en 2025, e o 26,1 % ten competencias básicas. Son datos publicados hoxe polo INE no informe sobre equipamento e uso das TIC nos fogares, analizados polo Observatorio da Sociedade da Información da Axencia para a Modernización Tecnolóxica de Galicia (Amtega).
Foi presentada na Cidade da Cultura a iniciativa 'Circo no Camiño', que celebrará entre o 12 de novembro e o 6 de decembro a súa primeira edición, na que contará con artistas nacionais e internacionais. A proposta Circo no Camiño quere achegar as artes escénicas a diferentes localidades galegas relacionadas co Camiño de Santiago. Para isto avanza unha programación variada de espectáculos de circo, maxia, música, acrobacias, humor e animación de rúa dirixidos a todos os públicos, que se desenvolverán tanto nunha gran carpa como nas rúas.En concreto, a programación desenvolverase en catro localidades galegas: Verín, Lalín, A Estrada e Santiago de Compostela, onde se pechará a programación, entre os días 3 e o 6 de decembro.
