viernes, 4 de septiembre de 2026
Tamén está a ser positivo o turismo nacional, neste caso cun incremento dun 5% na súa demanda, rexistrando así máis de 7,9 millóns de noites, unha cifra récord nos primeiros once meses do ano.
O balance do INE constata tamén que, de xeito xeneralizado, está a ser positiva a evolución de todo o sector do aloxamento de Galicia, con incrementos da súa demanda turística nun 7,4% no que se refire aos establecementos extrahoteleiros, que inclúen apartamentos turísticos, cámpings e turismo rural; e cun aumento da demanda dun 5,7% no sector hoteleiro. Os niveis de ocupación tamén melloraron en todas as tipoloxías, cunha intensidade variable, para este período de tempo.
Desestacionalización
Estas estatísticas coñécense no mesmo día no que o INE publicou os datos do mes de novembro para a totalidade dos establecementos de aloxamento. Preto de 260.000 viaxeiros escolleron Galicia durante o mes de novembro, mes de temporada baixa, e realizaron máis de 538.000 noites. En termos globais, obsérvase un incremento da demanda no ámbito hoteleiro nese mes dun 1% e tamén no ámbito extrahoteleiro, neste caso cun incremento de preto do 9%, que en termos de volume supuxo a xeración de 2.600 noites.
A exposición 'As estacións do ano na arte galega dos séculos XX e XXI' pecha as súas portas no Museo Centro Gaiás o domingo 6 de setembro con máis de 36.000 visitas desde a súa inauguración. Concibido e comisariado pola artista e investigadora Mónica Alonso, o proxecto destaca polo seu deseño innovador, que constrúe un percorrido sensorial para mergullarse na arte contemporánea. Máis de 80 obras de 63 artistas dan forma a un itinerario que transita polas paisaxes, símbolos e lembranzas asociadas ao paso do tempo e os cambios entre a primavera, o verán, o outono e o inverno en Galicia.
Galicia continúa a manter o liderado na taxa de escolarización 0-3 por cuarto curso consecutivo, cun 64 %. Os datos do Ministerio de Educación, Formación Profesional e Deportes referentes ao período lectivo 2026-2026 consolidan este primeiro posto, con 14 puntos por riba da media nacional. Ademais, Galicia é a única comunidade autónoma que está por encima da barreira do 60 % en niveis de escolarización no primeiro ciclo de Educación Infantil e supera en case 20 puntos o obxectivo da Unión Europea para o ano 2030, que é do 45 %. Estas cifras colocan a Galicia como referente no apoio ás familias e á infancia e son posibles grazas a medidas como a gratuidade das escolas infantís.
