jueves, 3 de septiembre de 2026
A-TRaVIeSA explora o potencial da realidade virtual como ferramenta para avaliar o temperamento e as competencias socioemocionais de nenos e nenas, co propósito de avanzar cara á detección precoz de dificultades emocionais e de conduta.
O proxecto bianual contra co financiamento da Axencia Estatal de Investigación. No primeiro ano o obxectivo é deseñar a ferramenta de realidade virtual e adaptala para medir diferentes variables en diferentes escenarios. Ao longo do segundo ano, farase a avaliación coas medidas fisiolóxicas, combinándoo co que informan as familias a través de cuestionarios. Trátase de recrear determinados escenarios e asÃ, a través de indicadores, avaliar como responde cada neno neses escenarios.
A exposición 'As estacións do ano na arte galega dos séculos XX e XXI' pecha as súas portas no Museo Centro Gaiás o domingo 6 de setembro con máis de 36.000 visitas desde a súa inauguración. Concibido e comisariado pola artista e investigadora Mónica Alonso, o proxecto destaca polo seu deseño innovador, que constrúe un percorrido sensorial para mergullarse na arte contemporánea. Máis de 80 obras de 63 artistas dan forma a un itinerario que transita polas paisaxes, sÃmbolos e lembranzas asociadas ao paso do tempo e os cambios entre a primavera, o verán, o outono e o inverno en Galicia.
Galicia continúa a manter o liderado na taxa de escolarización 0-3 por cuarto curso consecutivo, cun 64 %. Os datos do Ministerio de Educación, Formación Profesional e Deportes referentes ao perÃodo lectivo 2026-2026 consolidan este primeiro posto, con 14 puntos por riba da media nacional. Ademais, Galicia é a única comunidade autónoma que está por encima da barreira do 60 % en niveis de escolarización no primeiro ciclo de Educación Infantil e supera en case 20 puntos o obxectivo da Unión Europea para o ano 2030, que é do 45 %. Estas cifras colocan a Galicia como referente no apoio ás familias e á infancia e son posibles grazas a medidas como a gratuidade das escolas infantÃs.
