miércoles, 28 de octubre de 2026
Dita programación incluirá seis representacións a cargo de agrupacións das tres universidades galegas: Universidade da Coruña, Universidade de Santiago de Compostela e Universidade de Vigo. As funcións celebraranse en horario de tarde, con entrada libre ata completar aforo.
O FITEUC dará comezo o martes, 9 de abril ás 20:30 horas, no Centro Ágora, coa obra Agamenón, volvín do supermercado e deille unha malleira ao meu fillo, da Aula de Teatro da USC, baixo a dirección de Roberto Salgueiro.
O martes 22 de abril será unha xornada dobre. Ás 18:00 horas, o Fórum Metropolitano acollerá a representación de Voilà, da Aula Universitaria de Lugo (USC), dirixida por An González. Ese mesmo día, ás 20:30 horas, o Teatro Rosalía será o escenario de Cartografar sen norte, posta en escena da Aula de Teatro da UDC dirixida por Sara Rey.
O venres 25 de abril, o Ágora albergará unha sesión dedicada á danza universitaria. Ás 20:00 hors representarase Hyphē, da Aula de Danza da UDC, con dirección de Javier Martín, seguida de REDes, da Compañía de Danza da USC, dirixida por Juan Carlos Zahera.
O peche do festival terá lugar o mércores 14 de maio, ás 20:30 horas no Teatro Rosalía, coa obra Ludovico 2.5, da Aula Universitaria de Ourense (Grupo Maricastaña 2025 - Universidade de Vigo), dirixida por Fernando Dacosta.
Toda a información actualizada sobre o festival pode consultarse na web de NORMAL, espazo de intervención cultural da UDC.
O proxecto Xenoma Galicia, que conta cun investimento de 20 millóns de euros, ten por obxecto recompilar o ADN de 400.000 galegos para identificar os xenes relacionados co cancro de mama e ovario hereditario, a síndrome de Lynch e a hipercolesterolemia familiar. Ata o de agora, foron analizadas 3.112 mostras biolóxicas. En concreto, 1.037 mostras de sangue na primeira pilotaxe do proxecto, 796 de saliva no segundo piloto e, coa primeira fase do proxecto en marcha, 1.279 mostras dos voluntarios dos primeiros distritos participantes. A análise das mostras destes 1.279 participantes da fase 1 permitiu detectar 25 novos casos positivos. En concreto, 14 participantes deron positivo en cancro de mama e ovario hereditario, dous na síndrome de Lynch e nove en hipercolesterolemia familiar.
A Pedreira e Fillas de Cassandra estarán presentes no Womex 2026, o máis importante encontro mundial das músicas folk e de raíz que se celebra ata este domingo en Las Palmas de Gran Canaria. Trátase dunha iniciativa que ofrece aos artistas e ás empresas galegas un espazo para dar a coñecer o seu traballo ante programadores, festivais, axencias de contratación e outros profesionais de diferentes países. A artista foi escollida por un xurado internacional independente para formar parte dos Official Showcases, a selección oficial de concertos coa que Womex achega aos profesionais propostas das músicas do mundo.
