viernes, 16 de enero de 2026
Segundo explica Filemón Rivas, responsable de Actividades Culturais do campus de Ourense, este cuadrimestre mantense o visionado en liña e non presencial dos documentais. Todas aquelas persoas que desexen ver en liña cada obra deberán remitir unha solicitude ao enderezo electrónico docs-ou@uvigo.es e enviaráselle o enlace e o código necesarios para o seu visionado na rede, que estará habilitado durante un período de tempo determinado. Este procedemento será o que se aplique cada mes para o documental correspondente.
Diversidade temática
A programación arranca este mes de xaneiro cun filme no que a cineasta finesa Leena Kipeläinen reconstrúe a incrible vida de Maija Isola, unha artista que revolucionou o mundo do deseño téxtil nas décadas de 1950 e 1960 cun estampados florais que se converterían nun éxito global, como destaca a promotora de Docs del Mes. Ao mes seguinte, en febreiro, poderá verse Un viaje de mármol, un documental do director chinés Sean Chang que se presenta como unha reflexión con humor sobre a autenticidade, a tradición, as relacións internacionais e a absurdeza da economía global, na que amosa como os bloques de mármore extraídos dunha canteira en Grecia viaxan en barco a China para seren convertidos en esculturas e columnas de estilo grego.
Xa en marzo, a actividade continúa con No place like home, de Emilia Beck, un documental que retrata a historia de Priyangika Samathie, unha muller nova adoptada por unha familia norueguesa que quere reconciliarse coas súas orixes en Sri Lanka, dando lugar a unha viaxe existencial convertida nun clamor anticorrupción, como sinalan desde a empresa promotora. Ao mes seguinte, o ciclo viaxa ata Xapón, coa proxección de Rising from the tsunami, un documental no que Hélène Robert and Jeremy Perrin propoñen un percorrido misterioso e poético, a través dos testemuños dos superviventes, polas consecuencias psicolóxicas e emocionais que supuxo o tsunami que en 2011 asolou á costa de Tohoku, deixando máis de 15.000 falecidos.
Docs del Mes continuará en maio con The pawnshop, unha emotiva historia de Lukasz Kowalski sobre a parella propietaria da que é probablemente a casa de empeños máis grande de Europa e en como o crecemento do paro na cidade polaca na que se atopa rematou por convertela nun centro de vida importante para a comunidade local. Finalmente, en xuño proxectarase President, un documental que Camilla Nielsson centra na figura do político Nelson Chamisa e na primeira campaña electoral vivida en Zimbabue tras o réxime de Robert Mugabe, que se presenta como unha crónica inspiradora e impactante sobre a loita pola democracia nun sistema corrupto controlado por militares.
O presidente da Xunta, Alfonso Rueda, tras manter hoxe un encontro co seu homólogo na Rioxa, Gonzalo Capellán, volveu rexeitar a proposta de modelo de financiamento autonómico feita polo Goberno central xa que rompe a solidariedade e a igualdade entre as comunidades. 'No caso de Galicia, saímos especialmente prexudicados porque se rompen principios que para nós son absolutamente irrenunciables como a negociación conxunta, a exclusión de bilateralidades, o mantemento da solidariedade e da igualdade en servizos básicos entre todos os territorios', apuntou. 'Somos algo máis do 6,5% da poboación axustada de España e na nova repartición non chegariamos nin ao 3% dos recursos'.
Galicia volve bater o seu propio récord con 429 transplantes e 143 doadores de órganos durante o ano 2025. Da cifra total de transplantes do pasado ano, 229 foron de ril, dos que 22 procedían de doadores vivos; 116 de fígado; 7 de páncreas; 26 de corazón e 51 de pulmón. Estes 429 transplantes beneficiaron a un total de 420 pacientes, tendo en conta que algúns casos foron de transplantes multiorgánicos. Os transplantes pancreáticos, que son os máis complexos, experimentaron a maior subida: incrementáronse un 75 % con respecto ao ano anterior, desde os 4 realizados en 2024 aos 7 de 2025.
