jueves, 2 de mayo de 2024
Nota de prensa del Gabinete de Comunicación del Concello de Santiago de Compostela:
O Goberno local vai abrir un procedemento negociado sen publicidade, pola vía de urxencia, para resolver a concesión dos comedores escolares para o que queda de curso escolar. Segundo a información dos servizos técnicos do Concello, a resolución do proceso realizarase nun prazo de dúas semanas. Mentres non se resolva o procedemento, está garantido que a prestación do servizo nos centros continuará con absoluta normalidade.
O alcalde, Martiño Noriega, adoptou esta decisión despois de ter coñecemento da intención da empresa Ausolan de renunciar ao contrato. Os seus responsables comunicaron a decisión esta tarde a través de correo electrónico, pero a renuncia aínda non foi feita de xeito oficial. Con esta decisión, o Goberno local quere manter a prestación do servizo, con todas as garantías, ata finais do presente curso.
O executivo aproveitará estes meses para redactar un novo prego e convocar novamente o concurso para a concesión do servizo de comedores escolares. A intención da Concellaría de Educación é levar adiante un novo proceso en permanente diálogo coas ANPAs e co resto da comunidade educativa, así como cos servizos técnicos do Concello.
A Cidade da Cultura súmase en maio á celebración do Día das Letras Galegas, dedicado este ano á música, profesora e poeta Luísa Villalta, cunha variada programación divulgativa destinada a dar a coñecer a súa figura e a súa obra a toda a cidadanía. Ao longo do mes das Letras, o Gaiás organiza propostas como unha lectura participativa de poemas, un encontro con rapazada de centros de ensino, unha exposición bibliográfica ou dúas propostas teatrais para público adulto e público familiar. A primeira destas actividades será o mércores 8 de maio, e consistirá nun encontro entre alumnado de dous dos institutos nos que Luísa Villalta se desempeñou como profesora e activista cultural.
De pais galegos, nace en Toledo, aos sete anos volve a Galicia e instálase coa familia en Ferrol. Na súa adolescencia séntese atraído pola pintura e recibe clases do pintor ferrolán Felipe Bello Piñeiro, cursa estudos de maxisterio e exerce como mestre nacional en varias escolas. Máis tarde, en 1947 trasládase a Madrid para estudar belas artes na Escola de San Fernando, e licénciase en 1951. É nesta época cando abandona a pintura realista e entra en contacto coa corrente expresionista europea coa que sente afinidade non só no aspecto formal senón tamén polos seus contidos sociais. É tamén a época en que empeza a escribir as súas primeiras novelas e a interesarse pola filosofía, o ensaio e a literatura.
