jueves, 2 de mayo de 2024
Nota de prensa del Gabinete de Comunicación del Concello de Santiago de Compostela:
O alcalde de Santiago, Martiño Noriega, amosouse satisfeito coa boa predisposición da ministra de Fomento, na reunión que mantiveron en Madrid. Martiño Noriega solicitara este encontro con Ana Pastor como continuación da reunión do pasado 2 de setembro, na que xa se abordaran temas que son de vital importancia para a cidade, nomeadamente o túnel de Conxo, o orbital e a estación intermodal.
Ana Pastor fixou o mes de maio como data para a finalización da obra do túnel de Conxo, e amosouse disposta a asumir a humanización da rotonda en superficie, unha das peticións que tanto a asociación veciñal como a asociación de comerciantes do barrio lle transmitiran ao alcalde na última xuntanza. Martiño Noriega explicou que na próxima semana comezarase a falar desta proposta coa delegación territorial do Ministerio de Fomento.
Na reunión desta mañá, o alcalde tamén lle lembrou á ministra de Fomento a petición do Concello para celebrar unha reunión entre todas as administracións implicadas no proxecto da estación intermodal. Ana Pastor fixou a primeira semana de febreiro para celebrar este encontro entre o Ministerio de Fomento, a Xunta e o Concello. A intención de Martiño Noriega é que nesa reunión se concrete o proxecto, para garantir un proxecto integral que inclúa o traslado da estación de autobuses e a conexión peonil entre o Ensanche e a Pontepedriña.
Con respecto as conexións norte da cidade, a Ministra asegurou que ao longo deste ano finalizarán as obras actuais de ampliación da AP-9, e comprometeuse a sacar adiante o enlace coa Cidade da Cultura e a primeira fase do orbital, na conexión entre a AP-9 e a A-54. Os dous proxectos están xa a exposición pública.
O alcalde amosouse satisfeito cos resultados da reunión, pero advertiu que "o Goberno local seguirá vixiante para que se cumpran estes compromisos cos veciños e veciñas de Compostela".
Fotografía: Gabinete de Comunicación del Concello de Santiago de Compostela
A Cidade da Cultura súmase en maio á celebración do Día das Letras Galegas, dedicado este ano á música, profesora e poeta Luísa Villalta, cunha variada programación divulgativa destinada a dar a coñecer a súa figura e a súa obra a toda a cidadanía. Ao longo do mes das Letras, o Gaiás organiza propostas como unha lectura participativa de poemas, un encontro con rapazada de centros de ensino, unha exposición bibliográfica ou dúas propostas teatrais para público adulto e público familiar. A primeira destas actividades será o mércores 8 de maio, e consistirá nun encontro entre alumnado de dous dos institutos nos que Luísa Villalta se desempeñou como profesora e activista cultural.
De pais galegos, nace en Toledo, aos sete anos volve a Galicia e instálase coa familia en Ferrol. Na súa adolescencia séntese atraído pola pintura e recibe clases do pintor ferrolán Felipe Bello Piñeiro, cursa estudos de maxisterio e exerce como mestre nacional en varias escolas. Máis tarde, en 1947 trasládase a Madrid para estudar belas artes na Escola de San Fernando, e licénciase en 1951. É nesta época cando abandona a pintura realista e entra en contacto coa corrente expresionista europea coa que sente afinidade non só no aspecto formal senón tamén polos seus contidos sociais. É tamén a época en que empeza a escribir as súas primeiras novelas e a interesarse pola filosofía, o ensaio e a literatura.
