viernes, 3 de mayo de 2024
Gamallo referiuse á rendibilidade das explotacións, a complexidade administrativa e a competencia desleal como algúns dos principais problemas do sector agrario.
O debate celebrouse con motivo da aprobación dun borrador de ditame sobre o futuro da Política Agrícola Común, que constituirá a principal contribución do CdR ao diálogo estratéxico iniciado en xaneiro pola Comisión Europea de cara a elaboración da proposta lexislativa sobre a PAC posterior a 2027, que debería publicarse en 2025. No ditame, os representantes das rexións europeas avogan por unha nova PAC máis flexible, simplificada, que apoie en maior medida aos agricultores e que adopte un enfoque máis descentralizado e adaptado ás características de cada territorio, a través de plans estratéxicos elaborados e xestionados a nivel rexional.
Como consecuencia das protestas agrícolas, a Unión Europea vén de adoptar varias medidas de simplificación da actual PAC e está a estudar unha modificación do actual regulamento, aplicable no período 23-27. Neste sentido, a Xunta pide ao Goberno central maior ambición tanto na modificación do Pepac como no seu posicionamento en Bruxelas, nunha postura coordinada coas principais organizacións agrarias e cooperativas galegas, e na que tamén mantén conversas co resto de comunidades autónomas da cornixa cantábrica, incluíndo propostas, como a introdución de medios de proba efectivos dos costes de produción para evitar a venta a perdas a partir de ferramentas como Conta Láctea e Conta Carne, desenvolvidas en Galicia.
Outros dous ditames foron aprobados hoxe en NAT: un relativo á estratexia europea para previr a escaseza de medicamentos, que subliña a necesidade de impulsar a capacidade de fabricación local , e outro para apoiar a posta en marcha dun Pacto Azul Europeo para promover unha mellor xestión dos recursos hídricos e dos riscos relacionados con estes, como as inundacións, as secas ou a contaminación. Ademais, presentouse unha guía de oportunidades de financiamento e apoio da UE para as zonas rurais.
Galicia nas comisións CIVEX e NAT do Comité das Rexións
No actual mandato 2020- 2025 do Comité Europeo das Rexións, Galicia participa na Comisión de Recursos Naturais (NAT) e na Comisión de Cidadanía, Gobernanza e Asuntos Institucionais e Exteriores (CIVEX). A primeira elabora ditames en áreas como as políticas comúns de agricultura e pesca, o turismo ou a saúde pública. A Fundación Galicia Europa presta apoio á participación galega nesta asemblea de rexións e municipio.
A Cidade da Cultura súmase en maio á celebración do Día das Letras Galegas, dedicado este ano á música, profesora e poeta Luísa Villalta, cunha variada programación divulgativa destinada a dar a coñecer a súa figura e a súa obra a toda a cidadanía. Ao longo do mes das Letras, o Gaiás organiza propostas como unha lectura participativa de poemas, un encontro con rapazada de centros de ensino, unha exposición bibliográfica ou dúas propostas teatrais para público adulto e público familiar. A primeira destas actividades será o mércores 8 de maio, e consistirá nun encontro entre alumnado de dous dos institutos nos que Luísa Villalta se desempeñou como profesora e activista cultural.
De pais galegos, nace en Toledo, aos sete anos volve a Galicia e instálase coa familia en Ferrol. Na súa adolescencia séntese atraído pola pintura e recibe clases do pintor ferrolán Felipe Bello Piñeiro, cursa estudos de maxisterio e exerce como mestre nacional en varias escolas. Máis tarde, en 1947 trasládase a Madrid para estudar belas artes na Escola de San Fernando, e licénciase en 1951. É nesta época cando abandona a pintura realista e entra en contacto coa corrente expresionista europea coa que sente afinidade non só no aspecto formal senón tamén polos seus contidos sociais. É tamén a época en que empeza a escribir as súas primeiras novelas e a interesarse pola filosofía, o ensaio e a literatura.
