viernes, 3 de mayo de 2024
Esta Comisión, que obedece ao compromiso da Xunta de aprobar nesta lexislatura a normativa necesaria para facilitar a incorporación destas tecnoloxías, terá diversas funcións entre as que destacan o asesoramento para o impulso de accións formativas e de sensibilización en IA, dirixidas a empresas, administración pública e cidadanía; a elaboración de recomendacións sobre o desenvolvemento e uso ético da IA na nosa comunidade; a formulación de propostas sobre a Estratexia Galega de Intelixencia Artificial 2030 para adaptar as súas medidas aos novos escenarios; e o apoio na avaliación do impacto da IA nos sectores produtivos de Galicia, a Administración Pública e a sociedade en xeral.
Lei IA
O Consello da Xunta, respondendo ao mandato do Parlamento de Galicia, autorizou o inicio da tramitación do Anteproxecto de Lei para o desenvolvemento e impulso da IA, que fará que Galicia sexa a primeira rexión europea en dispoñer dunha regulación única, sistemática e coherente cos principios comunitarios.
A nova Lei terá como obxectivo o establecemento de principios éticos para o deseño, adquisición, implementación e uso de sistemas de IA por parte da Administración, baixo criterios de dilixencia, auditabilidade, explicabilidade, transparencia, imparcialidade, ausencia de rumbos, seguridade ou privacidade. Entre ditos principios cómpre destacar o principio de reserva da humanidade e de revisión humana, o principio de fiabilidade e de responsabilidade e o principio de avaliación de impacto nas persoas, na sociedade e no medio ambiente.
Ademais, a Lei deberá garantir os dereitos de liberdade, igualdade e reacción fronte ao deseño, adquisición, implementación e uso de sistemas de IA, e tamén o exercicio dos dereitos da cidadanía.
A lei, cuxo borrador podería ser remitido ao Parlamento para a súa tramitación no primeiro período de sesións de 2024, busca aumentar a confianza da cidadanía na IA e garantir que os sistemas sexan fiables e respectuosos cos dereitos fundamentais das persoas, a través de catro elementos fundamentais:
- Gobernanza e Planificación: Competencias das persoas, dos órganos de xestión pública, e dos órganos de fiscalización e avaliación. Áreas de colaboración e aspectos relacionados coa planificación e a xestión.
- Identificación e Avaliación: Procedemento para a identificación, avaliación, adquisición, desenvolvemento e implantación de sistemas de IA.
- Uso da IA polo sector público: Regulación do uso destes sistemas pola Administración Xeral e o Sistema Público Autonómico de Galicia, incluíndo códigos de conduta, guías ou ferramentas de autodiagnose.
- Medidas para o impulso da IA en Galicia: Formación de empregados públicos e profesionais universitarios e establecemento de medidas de loita contra os riscos da IA. Promoción do uso da IA ética e fiable nas empresas por medio de incentivos económicos, fiscais e á innovación, e colaboración entre administracións a través dos ecosistemas Gobtech.
A lei garantirá a incorporación á Administración Xeral e ao Sector Público Autonómico de Galicia de sistemas de IA que promovan a eficacia e a eficiencia na prestación dos servizos públicos, facendo de Galicia un lugar idóneo para o investimento empresarial no sector. Tamén impulsará a implantación de sistemas seguros, eficientes e de calidade nas empresas galegas. Por último, garante o uso normal da lingua galega no desenvolvemento de sistemas de intelixencia artificial.
Composición da Comisión
A Comisión de expertos para o asesoramento sobre o desenvolvemento e uso ético da IA en Galicia estará integrada por:
Economía
- Andrés Pedreño. Catedrático de Economía Aplicada, Universidad de Alicante.
- Ana José Varela. Directora Financeira, OCDE Organización para a Cooperación e o Desenvolvemento Económico.
Filosofía e evolución humana
- Felipe Criado. Director do Instituto de Ciencias del Patrimonio do CSIC e Premio Nacional de Investigación 2023.
- José María Lasalle, Director do Foro de Humanismo Tecnológico de ESADE.
Tecnoloxía aplicada
- Ana María Freire. Directora Departamento de Operaciones, Tecnología y Ciencia da Barcelona School of Management.
- Verónica Bolón. Profesora da Área de Ciencia da Computación e Intelixencia Artificial, Universidade da Coruña.
Ética e normativa
- Patricia Valcárcel. Profesora Catedrática de Dereito Administrativo, Universidade de Vigo.
- Marcos Almeida. Profesor Titular de Dereito Administrativo, Universidade de Santiago de Compostela.
- Moisés Barrio. Letrado do Consejo de Estado.
Política Pública
- Cristina Pombo. Asesora del Sector Social, Banco Interamericano de Desarrollo (BID).
A Cidade da Cultura súmase en maio á celebración do Día das Letras Galegas, dedicado este ano á música, profesora e poeta Luísa Villalta, cunha variada programación divulgativa destinada a dar a coñecer a súa figura e a súa obra a toda a cidadanía. Ao longo do mes das Letras, o Gaiás organiza propostas como unha lectura participativa de poemas, un encontro con rapazada de centros de ensino, unha exposición bibliográfica ou dúas propostas teatrais para público adulto e público familiar. A primeira destas actividades será o mércores 8 de maio, e consistirá nun encontro entre alumnado de dous dos institutos nos que Luísa Villalta se desempeñou como profesora e activista cultural.
De pais galegos, nace en Toledo, aos sete anos volve a Galicia e instálase coa familia en Ferrol. Na súa adolescencia séntese atraído pola pintura e recibe clases do pintor ferrolán Felipe Bello Piñeiro, cursa estudos de maxisterio e exerce como mestre nacional en varias escolas. Máis tarde, en 1947 trasládase a Madrid para estudar belas artes na Escola de San Fernando, e licénciase en 1951. É nesta época cando abandona a pintura realista e entra en contacto coa corrente expresionista europea coa que sente afinidade non só no aspecto formal senón tamén polos seus contidos sociais. É tamén a época en que empeza a escribir as súas primeiras novelas e a interesarse pola filosofía, o ensaio e a literatura.
