viernes, 3 de mayo de 2024
Galicia rexistrou no primeiro trimestre deste ano un 22,5% máis de viaxeiros respecto ao mesmo período do anterior, segundo os datos recollidos no informe de Conxuntura Turística Hoteleira publicada hoxe polo Instituto Nacional de Estatística (INE).
Deste xeito, Galicia rexistrou en xaneiro un total de 717.562 viaxeiros e 1,3 M noites cunha estadía media de 1,8 noites. Os establecementos hoteleiros (hoteis e pensións) acadan unha porcentaxe de ocupación que supera nun 19% a do ano pasado, con 624.867 viaxeiros e 1,1 M noites.
Os establecementos extrahoteleiros, que engloban apartamentos turísticos, cámpings turismo rural e albergues incrementan tamén a súa ocupación en preto dun 52% con respecto ao primeiro trimestre do ano pasado, onde destaca especialmente a ocupación nos albergues que supera o 140%. En total, os establecementos extrahoteleiros recibiron 92.695 viaxeiros en 168.355 noites.
A Cidade da Cultura súmase en maio á celebración do Día das Letras Galegas, dedicado este ano á música, profesora e poeta Luísa Villalta, cunha variada programación divulgativa destinada a dar a coñecer a súa figura e a súa obra a toda a cidadanía. Ao longo do mes das Letras, o Gaiás organiza propostas como unha lectura participativa de poemas, un encontro con rapazada de centros de ensino, unha exposición bibliográfica ou dúas propostas teatrais para público adulto e público familiar. A primeira destas actividades será o mércores 8 de maio, e consistirá nun encontro entre alumnado de dous dos institutos nos que Luísa Villalta se desempeñou como profesora e activista cultural.
De pais galegos, nace en Toledo, aos sete anos volve a Galicia e instálase coa familia en Ferrol. Na súa adolescencia séntese atraído pola pintura e recibe clases do pintor ferrolán Felipe Bello Piñeiro, cursa estudos de maxisterio e exerce como mestre nacional en varias escolas. Máis tarde, en 1947 trasládase a Madrid para estudar belas artes na Escola de San Fernando, e licénciase en 1951. É nesta época cando abandona a pintura realista e entra en contacto coa corrente expresionista europea coa que sente afinidade non só no aspecto formal senón tamén polos seus contidos sociais. É tamén a época en que empeza a escribir as súas primeiras novelas e a interesarse pola filosofía, o ensaio e a literatura.
