jueves, 2 de mayo de 2024
Na cidade da Coruña cumpríronse as previsións para estas datas, alcanzando unha porcentaxe do 80% de ocupación hoteleira. A maior parte dos visitantes que tivo a cidade herculina durante a Semana Santa foron de orixe nacional, se ben xa comeza a chegar algún turista internacional. Pola súa banda, na Costa da Morte destacan positivamente tanto a afluencia de visitantes como o consumo en servicios de aloxamento e restauración, así como a chegada de excursionistas e turistas de orixe galego.
En Santiago de Compostela a taxa de ocupación situouse nun 75% para o conxunto da cidade entre o xoves e o domingo. O turista maioritario foi o nacional e comeza a notarse a chegada de viaxeiros internacionais, especialmente ingleses e italianos. Ademais, destacan a afluencia de excursionistas galegos. En Ferrol, onde a Semana Santa está declarada de Interese Turístico Internacional, moitos establecementos, tanto os localizados na cidade como nas localidades próximas, tamén se alcanzaron valores moi positivos, especialmente entre o xoves e o domingo, cando moitos locais colgaron o cartel de completo.
A provincia de Lugo remata a Semana Santa superando as previsións para estes días. A cidade de Lugo alcanzou o 84% de ocupación, dato que aumenta ata o 89% na zona da Mariña. Tamén na Ribeira Sacra se superaron os prognósticos, superando o 90% de ocupación nos días festivos.
En Ourense alcanzouse o 80% de ocupación durante estes días. A boa climatoloxía favoreceu a chegada de turistas e as reservas de última hora, especialmente entre o xoves e o domingo.
Tanto na provincia de Pontevedra como na cidade de Pontevedra a ocupación media situouse ao redor do 75% para toda a semana, dato que se achega ao 80% nas xornadas do xoves, venres e sábado. Cifras similares recóllense na área de Vigo, onde se rexistrou unha ocupación media do 70% para toda a semana e do 80-85% entre o xoves e o sábado. Tamén en Baiona esta porcentaxe aproximouse ao 80% durante os días festivos.
En Sanxenxo a ocupación alcanzou o 77,98%, dato que se incrementa se se consideran os hoteis de catro e tres estrelas (cun 86,29% e 80,25%, respectivamente). As fontes consultadas na zona destacan positivamente o consumo en outro servizos turísticos complementarios e que neste 2023 houbo máis establecementos abertos ao público na localidade.
Camiño de Santiago
O Camiño de Santiago está a acadar cifras récord moi por riba das do ano pasado, que xa foi o que contou con máis peregrinos da historia. A estas alturas do ano chegaron un 78% máis de peregrinos que o ano pasado. No que vai de ano chegaron a Santiago máis de 31.000 peregrinos, dos cales máis de 15.000 só neste mes de abril.
Ademais, os establecementos situados no transcurso das diferentes rutas xacobeas alcanzaron altos porcentaxes de ocupación.
O director xeral de Relacións Exteriores e coa UE, Jesús Gamallo, reuniuse esta mañá cos responsables da AECT Rio Minho para coñecer de primeira man as prioridades e os proxectos que ten en marcha este instrumento de cooperación que abrangue 16 concellos da provincia de Pontevedra e 10 da CIM Alto Minho. Esta é unha primeira visita que o director xeral de Relacións Exteriores e coa UE, Jesús Gamallo, continuará co resto de AECTs. Deste xeito, está previsto que se entreviste tamén cos responsables da AECT Chaves-Verín, e da futura AECT da Raia Seca.
A Cidade da Cultura volve acoller a colorida e festiva carreira Holi Gaiás, que vai pola súa sexta edición. A proba terá lugar o 8 de xuño nos exteriores do complexo e contará cun percorrido especial para a cativada entre 4 e 9 anos, a Peque Holi. A actividade contará un ano máis coa súa tradicional poeira de cores e con animación previa e posterior á proba, con música e coreografías que animarán aos participantes. O obxectivo é gozar coa práctica deportiva nun enclave como é Gaiás, coa súa característica arquitectura e co seu gran pulmón verde, o Bosque de Galicia.
