jueves, 2 de mayo de 2024
Nota de prensa remitida por el Gabinete de Comunicación de AGE:
Unha demanda da multinacional mineira Edgewater, a empresa que intentou abrir unha explotación de ouro en Corcoesto (Cabana de Bergantiños), contra a Xunta contén graves acusacións. Non presupoñemos nada. Pero se estas acusacións non son certas, e a Xunta debe explicarse, ao Goberno galego non lle queda outra ca denunciar penalmente a Edgewater e á súa dirección, advirte o viceportavoz de Alternativa Galega de Esquerda (AGE) Antón Sánchez.
A demanda de Edgewater contra a Xunta, que transcendeu a través dos medios de comunicación, pon en palabras de Georges Salamis, o director da multinacional, que amigos do presidente [Alberto Núñez Feijóo] chegaron con ofertas de axuda, o que normalmente significa $$ nunha maleta Samsonite. A maiores, engade Salamis en correos electrónicos incorporados ao documento xudicial, agora mesmo non chego a ver que podíamos ter feito de xeito distinto, amais de lles pagar $$$$ aos políticos, como eles mesmos pediron. Iso era doado e calquera pode facelo, pero non encaixa cos principios fundamentais cos que se fan negocios en Edgewater.
Para Antón Sánchez, a Xunta non pode perder nin un minuto en aclarar esta situación e, de non ser certas as acusacións contidas na demanda de Edgewater, presentar a correspondente denuncia contra a directiva da multinacional mineira e contra a propia empresa.
Sánchez lembra que foi a mobilización popular a que freou os plans neolcoloniais de Edgewater para Corcoesto e que só despois a Xunta de Feijóo optou por desbotar o proxecto. Pero non debemos baixar a garda, avisa.
O director xeral de Relacións Exteriores e coa UE, Jesús Gamallo, reuniuse esta mañá cos responsables da AECT Rio Minho para coñecer de primeira man as prioridades e os proxectos que ten en marcha este instrumento de cooperación que abrangue 16 concellos da provincia de Pontevedra e 10 da CIM Alto Minho. Esta é unha primeira visita que o director xeral de Relacións Exteriores e coa UE, Jesús Gamallo, continuará co resto de AECTs. Deste xeito, está previsto que se entreviste tamén cos responsables da AECT Chaves-Verín, e da futura AECT da Raia Seca.
A Cidade da Cultura volve acoller a colorida e festiva carreira Holi Gaiás, que vai pola súa sexta edición. A proba terá lugar o 8 de xuño nos exteriores do complexo e contará cun percorrido especial para a cativada entre 4 e 9 anos, a Peque Holi. A actividade contará un ano máis coa súa tradicional poeira de cores e con animación previa e posterior á proba, con música e coreografías que animarán aos participantes. O obxectivo é gozar coa práctica deportiva nun enclave como é Gaiás, coa súa característica arquitectura e co seu gran pulmón verde, o Bosque de Galicia.
