Notas de prensa

Inaugúrase no Centro Galego en Lisboa a exposición sobre Manuel Rodríguez López

O venres 7 de outubro preséntase ao público no Centro Galego de Lisboa a exposición Manuel Rodríguez López, sobre a vida e obra do escritor de Paradela, fillo predilecto do Concello, que da nome á Casa municipal de Cultura e ao Certame Literario, xa na XXI edición.

A mostra forma parte do PROXECTO MANUEL RODRÍGUEZ LÓPEZ emprendido por GaliciaDigital e a familia do escritor, co apoio do Concello de Paradela, a Xunta de Galicia (Secretarías Xerais de Política Lingüística e de Cultura), a Deputación Provincial de Lugo (Delegación de Cultura), o Concello de Lugo e a Real Academia Galega. Ademais, incorpórase a esta edición como entidade co-patrocinadora o Consello Regulador da Denominación de Orixe Ribeira Sacra.

Esta mostra itinerante percorreu xa numerosas cidades e localidades galegas, visitou a Casa de Galicia en Madrid e os Centros Galegos de Barcelona, Salamanca, León ou Vitoria, abríndose agora no Centro Galego de Lisboa, o que supón un fito importante no desenvolvemento e expansión deste proxecto.

A exposición está composta por oito paneis dobres, nos que se reflicte a vida e obra do escritor paradelense, considerado o mellor poeta obreiro galego do século XX, que escribiu en Catalunya a maior parte da súa obra, e foi, ademais dun grande animador das actividades galegas en Catalunya, o vínculo perfecto entre Galicia e os galegos emigrantes no País catalán.

Neste acto tamén se presentarán a reedición do folleto que presenta os contidos completos da exposición, e a segunda edición da Antoloxía Poética de Manuel Rodríguez López, coordinada por Xesús Alonso Montero e Santiago Rodríguez.

Na inauguración da mostra participarán Álvaro Moreira, presidente do Centro Galego de Lisboa, e o Director de GaliciaDigital, Antonio Giz.

Máis información en: Proxecto Manuel Rodríguez López

GaliciaDigital, 2016-10-06

Actualidad

Foto del resto de noticias (peregrinos_praza_quintana.jpg) Dentro de tres años tendrá lugar uno de los acontecimientos más importantes de nuestra historia reciente, el Xacobeo 2021, y Galicia estará más preparada que nunca para ofrecer su mejor imagen al mundo”. Destaca que gran parte de los más de 60 millones de euros del Plan director del Camino se destina a dotar de wifi a todos los albergues y a que sean accesibles a todas las personas con discapacidad.
Foto de la tercera plana (real_academia_galega_convenio.jpg) La Consellería de Cultura, Educación e Ordenación Universitaria y la Real Academia Galega (RAG) han firmado un convenio de colaboración por el cual la Administración autonómica destina 520.000 euros para que la institución académica realice acciones culturales, de investigación científica e inversiones.

Notas

Galicia, Norte de Portugal e Castela e León elaborarán conxuntamente un plan territorial de emerxencias transfronteirizas como socios do proxecto europeo ARIEM +. O obxectivo da iniciativa é seguir avanzando na xestión conxunta das emerxencias de fronteira. O ARIEM + ten un investimento de máis de 4 millóns de euros dos que un 75% son fondos da UE.
A Consellería de Cultura, Educación e Ordenación Universitaria e o Instituto Nacional de Cine y Artes Audiovisuales de Argentina (INCAA) fixan no memorándum impulsar xuntos a creación de películas e series entre ambos os dous territorios, como parte do acordo de coprodución audiovisual asinado no marco de Conecta Fiction.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
ACTUALIDAD GALICIADIGITAL
Blog de GaliciaDigital
PUBLICIDAD
Deputación de Ourense
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania