martes, 30 de abril de 2024
O conselleiro de PolÃtica Social, José Manuel Rey Varela, acompañado do director xeral de Inclusión Social, Arturo Parrado, visitou as instalacións da cociña económica de Santiago de Compostela que volve a abrir as súas portas tras as obras de reforma levadas a cabo coas que poderá dar unha maior e mellor atención. O conselleiro felicitou aos responsables da cociña económica -activa desde 1891- polo seu 125 aniversario e apuntou que ambas entidades comparten o mesmo obxectivo, “acadar que ningún galego ou galega estea en risco de exclusión”.
Na súa intervención, Rey Varela advertiu que “a PolÃtica Social debe de ser o estandarte de todos os Gobernos, o engrenaxe fundamental sobre o que se asentan as demais medidas”. “Porque se non hai benestar non pode haber nin crecemento, nin emprego, nin cultura”, engadiu.
Tocante ao aumento que experimentou a cociña económica, tanto en comidas repartidas como en usuarios, o conselleiro salientou que “este crecemento ten que ir da man dun aumento da colaboración do Goberno galego” e lembrou que en 2015 destináronse un total de 122.400 euros á cociña económica de Santiago que representan “un aumento de máis do 30% desde 2014 e máis dun 66% desde 2009”.
Asà tamén, o responsable da carteira social sinalou a importancia da Axenda Social Única de Galicia asinada entre a Xunta de Galicia, a Fegamp e a Rede Galega de Loita contra a pobreza e a exclusión xa que “este acordo mellorará as axudas aos centros de emerxencia e inclusión, coa nova liña da convocatoria de subvencións a entidades de iniciativa social para financiar gastos derivados da construción, ampliación, reforma e mellora dos centros”. Unha nova liña de axudas que contará cun orzamento de 8,4 millóns de euros, o que representa un aumento do 61% respecto ao investimento realizado no ano anterior. É o cuarto ano consecutivo no que aumenta o orzamento destinado a esta convocatoria. Ademais, no caso concreto dos comedores, albergues e centros de acollida, garántese que todos eles reciban subvención para o que se reservan 2 millóns de euros.
Parello ao incremento desta orde, o conselleiro de PolÃtica Social anunciou que no presente exercicio “duplicaremos, como mÃnimo, o investimento anual na cociña económica de Santiago”.
O director xeral de Relacións Exteriores e coa UE, Jesús Gamallo, reuniuse esta mañá cos responsables da AECT Rio Minho para coñecer de primeira man as prioridades e os proxectos que ten en marcha este instrumento de cooperación que abrangue 16 concellos da provincia de Pontevedra e 10 da CIM Alto Minho. Esta é unha primeira visita que o director xeral de Relacións Exteriores e coa UE, Jesús Gamallo, continuará co resto de AECTs. Deste xeito, está previsto que se entreviste tamén cos responsables da AECT Chaves-VerÃn, e da futura AECT da Raia Seca.
A Cidade da Cultura volve acoller a colorida e festiva carreira Holi Gaiás, que vai pola súa sexta edición. A proba terá lugar o sábado 8 de xuño nos exteriores do complexo e nesta ocasión contará cun percorrido especial para a cativada entre 4 e 9 anos, a Peque Holi. A actividade lúdico festiva contará un ano máis coa súa tradicional poeira de cores e con animación previa e posterior á proba, con música e coreografÃas que animarán aos participantes durante a mañá. A carreira celébrase co obxectivo de gozar coa práctica deportiva nun enclave singular como é o Gaiás, coa súa caracterÃstica arquitectura e co seu gran pulmón verde, o Bosque de Galicia. Está artellada co ánimo de que os participantes o pasen ben durante o percorrido e no fin de festa.
