Conversas con Don Ramón del Valle-Inclán

Desde o Preguntoiro

Estando estes días na cidade de la Villa y Corte, nuns intres de vagar achegueime ao Paseo de Recoletos e darlle unha visita don Ramón del Valle-Inclán que alí ten unha estatua, estiven máis dunha hora, senteime nun banco e comecei a lembrar aquelas fermosas obras. A miña mente recalou no seu primeiro esperpento: Luces de Bohemia”. Polo meu maxin pasou “martes de Carnaval”, “Los Cuernos de Don Friolera”etc. Don Ramón, coa súa incrible imaxinación, a súa innata rebeldía, poñía á clase política daquela época como estropallos

Sabía que non podía preguntarlle a don Ramón de certas entrevistas que moitos xornalistas lle preguntaron, non o podía facer, pola sinxela razón que soamente era unha estatua de bronce.

A miña arela era ter unha máquina do tempo para conversar sobre aquela entrevista que lle fixeron en México, cando falou sobre Rei Alfonso III: “ ...es un cobarde vergonzoso ...”

Cando un xornalista en Madrid lle dixo: “¿ ha leído don Ramón lo que opina Miguelito el golpista de usted ? ( o ditador Miguel Primo de Rivera)

-Imposible que haya leído nada de él porque ese botarate no sabe escribir ni las ordenanzas cuartelarias.

-¿Dice que usted es un “ciudadano extravagante”?.

- Y lleva toda la razón. No pretenderá que sea un lameculos de los obispos y de los burguesitos como lo es él. Su pasatiempo es ir conquistando peñones, la isla de Peregil, Alhucemas. ¿No se le cagaran las gaviotas encima? .

Levanteime do banco onde estaba sentado e volvín á realidade, despedinme de don Ramón e atópome unha manifestación en contra dos desafiuzamentos; acordeime do esperpento actual que estamos a vivir neste país. Don Ramón desde o eterno paseo de Recoletos, contempla alporizado como neste século XXI España segue gobernada por botarates, covardes, impresentables e “besugos homofágicos”.

Cando xa estaba algo lonxe de Recoletos, din un berro ao carón dunha cafetería, os que estaban sentados na beirarrúa, creron que era un tolo: ¡¡¡ Don Ramón, que esperpento de país temos hoxe!!!. Temos o esperpento e a picaresca no seu pleno apoxeo.