Eran grelos
martes, 21 de diciembre de 2010
Todos os galegos anceiamos que os nosos produtos sexan estimados, valorados, e os que os producen gocen dun axeitado status social e económico que lles permita ser exemplo de traballo e triunfo para todos os demais.
O futuro do noso medio rural está precisamente en que as nosas xentes se especialicen, produzan de xeito diferente, valoren o que producen, e o comercialicen de xeito que resulte rendible para todos os que formen parte do proceso produtivo.
Temos un exemplo perfecto da comercialización dun produto galego na firma A Rosaleira que comercializa grelos galegos coa páxina de internet www.yosoydegrelos.com, centrando a súa publicidade na figura de Popeye que afirma recoñézoo, non eran espinacas, eran grelos!.
Damos por feito que o produto vai ser de primeira calidade, e que fará un bo papel no mercado no que existe demanda e no que o nome de Galicia acredita idoneidade e prestixio. Unha axeitada campaña de publicidade, con inxenio e medios, é o complemento perfecto
Non é que agardemos dos nosos grelos as virtudes que Popeye atribuía ás espinacas, pero sabémolos máis saborosos e xenuinos produtos deste país. A firma produtora evidénciase áxil e cun excelente futuro. Os grelos galegos non podían estar mellor representados no mercado e nos comercios. Será bo para todos.
Editorial
Las opiniones expresadas en este documento son de exclusiva responsabilidad de los
autores y no reflejan, necesariamente, los puntos de vista de la empresa editora