As outras mulleres
lunes, 08 de marzo de 2010
Hai mulleres habitando as rúas.
Mulleres que insiren quimeras
nas arestas escuras
das súas laceradas entrañas.
Luces que aluman aos desertores
dos xuramentos
Risas intravenosas de brazo sometido
ao arpón homicida.
Mulleres enloitadas,
colmadas de pel de éxodo.
con medo, sen relixión
con relixión e encaixes.
Mulleres Lesionadas,
vomitando a súa vinda
baixo pirámides de cartón.
Mulleres con fillos de pateras
cruzando as canles
cara ás verdes beiras
sangradas de hidrocarburos.
Mulleres con costas en xirones,
Ollos morados,
Con lentes de sol.
Mulleres topo, de troque,
silenciadas.
Mulleres bramando
sen soños e co soño desvelado.
quen non viu os chans
dos nosos percorridos
como voraces simas,
sementadas de mulleres
coa boca pechada
sen máis nada que unha concisa
percepción de quebranto
nos seus ollos?
Esas miradas,
que aínda nos absolven
cando nolas dedican.
Castejón, Carmen
Las opiniones expresadas en este documento son de exclusiva responsabilidad de los
autores y no reflejan, necesariamente, los puntos de vista de la empresa editora
