domingo, 5 de mayo de 2024
López López, da "Casa de Subquinta", lugar de Vizcaia, parroquia de Muro (1). No seu conxunto, amosa unha serie de elementos artísticos, que nunha orde ascendente están dispostos do seguinte xeito: Unha plataforma granítica, de catro chanzos, que serve de apoio a unha base monolítica, que consta de dúas pezas: a inferior, de forma paralelepípeda cun dobre rebaixe cuadrangular de maior a menor extensión nas catro caras; e a superior, composta dunha pequena peza troncopiramidal, Por riba da base, o cruceiro alónrgase nun fuste monolítico de sección cuadrangular nos extremos e cunhas acanaladuras nas catro caras do varal e nas súas arestas. O fuste actúa de sostén dun capitel clásico, moldurado, que amosa volutas nos vértices superiores das arestas e unha cabeza de anxo en cada unha das súas; nunha orde ascendente, o capitel mostra as seguintes molduras: un filete, un cuarto bocel, un filete, un bocel, e unha media cana. Como remate, unha cruz latina, de sección cuadrangular no seu conxunto, que amosa tamén un tipo de cruz florenzada nos extremos dos brazos e da cabeceira; no centro da cruz florenzada un pequeno obxecto ornamental de forma circular. O anverso da cruz mostra baixo unha cartela, na que pode lerse INRI, unha efixi ecristolóxica cos seguintes trazos: unha coroa de espiñas na cabeza, situada nunha posición frontal; os cabelos e as costelas moi resaltados; as súas mans aparecen abertas e os seus brazos están estendidos ao longo da cruz, formando unha lixeira "V"; o perizoma está anoadoao lado esquerdo; e as pernas lixeiramente flexionadas amosan o pé dereito sobre o esquerdo e ambos os dous sobre un supedáneo. O reverso amosa unha imaxe mariana moi rústica nunha actitude orante e, que amosa un manto sobre a súa cabeza. 
