O tesouro dos pobos

De novo Viggo Mortensen defende o galego. Faino incorporándose á campaña do IES Rafael Dieste da Coruña "Aquí tamén se fala". Viggolanza unha mensaxe, en galego, alta e clara: "as linguas son o tesouro dos pobos". Viggo, nado en Manhattan, avoga pola diversidade, por potenciar a diferencia como riqueza e por valorar as culturas como a creación humana que son.

Máis claro non se pode dicir. Ogallá se acabe o supremacismode quen se cree máis e o malinchismo de quen se cree menos para valorar o realmente importa: as linguas como un xenio creador, como unha creación colectiva dos pobos que os ergue, con voz propia, no mosaico da humanidade.